ށ. ކޮމަންޑޫގައި ފެނަކައިން ގޭގޭގައި ސްމާޓް މީޓަރު ހަރުކޮށް ކަރަންޓްގެ ހިދުމަތް ދޭން ފެށުމާއެކު މީހުން ދިރިނޫޅޭ ގެޔަކަށް ހަތަރު ލައްކައަށް ވުރެން ބޮޑު ކަރަންޓް ބިލެއް ފެނަކައިން ފޮނުވުނީ، އިންސްޓޯލް ކުރެވުނު މީޓަރެއްގެ ރީޑީންގް އެޅުމުގައި ދިމާވި ކުށަކާ ގުޅިގެން ހެދުނު ބިލެއް ކަމަށް އެ ކޯޕަރޭޝަނުން ބުނެފި އެވެ.
ފެނަކައިން މިކަމާއި ގުޅިގެން އެކްސްގައި ކުރި ޕޯސްޜެއްގަ ބުނެފައި ވަނީ، މި ބިލަކީ އަލަށް އިންސްޓޯލް ކުރެވުނު މީޓަރެއްގެ ރީޑީންގް އެޅުމުގައި ދިމާވި ކުށަކާ ގުޅިގެން ހެދުނު ބިލެއް ކަމަށާއި، މި ބިލުގެ މައްސަލަ ފާހަގަ ކުރެވިގެން، މިހާރު ކަސްޓަމަރަށް ގުޅާ ބިލް އިސްލާހު ކުރުމަށްފަހު ރަނގަޅު ބިލު ފޮނުވާފައިވާ ކަމަށެވެ.
ސޯޝަލް މީޑިއާގައި ދައުރުވަމުންދާ އެ ބިލުގައިވާ ގޮތުން އެ ގޭގެ ބިލަށް ޖުމްލަ 412،648 ރުފިޔާ އަރާފައިވެ އެވެ.
ފެނަކައިން އަންނަނީ ރާއްޖޭގެ ގިނަ ރަށްތަކެއްގައި ފެނާއި ކަރަންޓްގެ ހިދުމަތް ދެމުންނެެވެ. މާލެ ސަރަހައްދުގެ ގެ ތަކުގައިވެސް މި މަހުވެސް ކަރަންޓް ބިލުތައް ބޮޑުވެ، ގިނަ ބަޔަކު ދަނީ ޝަކުވާ ކުރަމުންނެވެ.
