ރައްޔިތުންގެ މަޖިލީހުގެ މި ދައުރުގެ މުއްދަތު އިތުރުކުރަން މަޖިލީހުން ފާސްކޮސްފި އެވެ.
މަޖިލީހުގެ މިއަދުގެ ޖަލްސާ ފަށްޓަވައިދެއްވަމުން މަޖިލީހުގެ ރައީސް ޢަބްދުއްރަޙީމް ޢަބްދުﷲ ވިދާޅުވީ، މި ދައުރުގެ މުއްދަތު އިތުރުކުރުމަށް ނިންމާފައިވަނީ މަޖިލީހުގައި ނިންމުމަށް މުހިންމު މަސައްކަތްތަކެއް ހުރުމުން ކަމަށެވެ.
ރައްޔިތުންގެ މަޖިލީހުގެ ގަވާއިދުގައިވާ ގޮތުން މަޖިލީހުގެ މި ދައުރުގެ ފަހު ދުވަހަކީ ނޮވެމްބަރު 30 ވަނަ ދުވަހެވެ. އެހެން ނަމަވެސް އަންނަ މަހުގެ 15ވަނަ ދުވަހާ ހަމައަށް ދައުރު ދަންމާލަން މަޖިލީސް ރައީސް ވަނީ ހުށަހަޅާފަ އެވެ.
އެހެންކަމުން މަޖިލީހުގައި މިއަދު ނެގި ވޯޓުން މި ދައުރުގެ ޖަލްސާ އަންނަ މަހުގެ 15ވަނަ ދުވަހާ ހަމައަށް ދަންމާލަން ވޯޓުދީފައި ވަނީ 68 މެންބަރުންނެވެ. އަދި ނުފެންނަ ކަމަށް 11 މެންބަރުން ވަނީ ވޯޓުދީފަ އެވެ.
އެހެންކަމުން މަޖިލީހުގެ މި ދައުރުގެ ޖަލްސާ 15 ޑިސެންބަރާއި ހަމައަށް ދަންމާލުމަށް މަޖިލީހުން ވަނީ ފާސްކޮށްފަ އެވެ.
