ދަރުމަވަންތަ ހޮސްޕިޓަލް ކައިރިން އަނިޔާވެފައިވާ މީހަކު ފެނިފައިވާ ކަމަށް މޯލްޑިވްސް ޕޮލިސް ސާވިސް އިން ބުނެފި އެވެ.
ފުލުހުން ބުނީ ދަރުމަވަންތަ ހޮސްޕިޓަލް ކައިރި ބޭރު ތޮށި މޫދުން އަނިޔާވެފައި އޮތް މީހަކު ފެނިފައިވާ ކަމަށެވެ. އެވަގުތު އޭނާ އައިޖީއެމްއެޗް އަށް ގެންގޮސްފައިވާ ކަމަށް ފުލުހުން ބުންޏެވެ.
ފުލުހުން ބުނީ އަނިޔާ ލިބިފައިވަނީ ދިވެހި ފިރިހެނަކަަށް ކަމަށެވެ. ހާދިސާ ހިނގި ސީންގައި ފުލުހުން ވަނީ ހަރަކާތްތެރިވެފައި ކަމަށްވެސް ބުންޏެވެ.
އެމީހާގެ ބޮލަށް އަނިޔާވެފައިވާ ކަމަށް ހޮސްޕިޓަލުން ފުލުހުންނަށް މައުލޫމާތު ދިނެވެ.
”އަނިޔާވެފައިވަނީ އުޅަނދެއްގައި ޖެހިގެން ކަމަށް ބެލެވޭ“ ފުލުހުން ބުންޏެވެ.
މި މައްސަލަ ފުލުހުން ގެންދަނީ ތަހުގީގު ކުރަމުން ނެވެ.
