ދައުލަތުގެ އެންމެ މުހިންމު ޒިންމާއަކީ ދިވެހި ގިނަ ބަޔަކަށް ފައިދާ ވާނެ އުސޫލުގެ މަތިން ދައުލަތުގެ ބަޖެޓުގައި ހިމެނޭ ކަންތައްތައް ކުރުން ކަމަށް ކޮންސްޓްރަކްޝަން މިނިސްޓަރ ޑރ. އަބްދުﷲ މުއްތަލިބު ވިދާޅުވެއްޖެ އެވެ.
މިނިސްޓަރ މިހެން ވިދާޅުވީ، މިއަދު ބޭއްވުނު ރައްޔިތުންގެ މަޖިލީހުގެ ޖަލްސާގައި ވ. ތިނަދޫ ބަނދަރާ ގުޅޭ ގޮތުން މެންބަރަކު ކުރެއްވި ސުވާލަކަށް ޖަވާބު ދެއްވަމުންނެވެ.
މިނިސްޓަރ މުއްތަލިބު ވިދާޅުވި ގޮތުގައި، 2024 ވަނަ އަހަރު ވަރަށް މަދު ޕްރޮޖެކްޓެއްގައި ނޫނީ ސޮއި ކޮށްފައި ނުވާނެ ކަމަށާއި، އޭރު ލިބިފައި އޮތީ ގާތްގަނޑަކަށް 3 ބިލިއަނެއްހާ ރުފިޔާ ކަމަށެވެ. އަދި އިތުރަށް ވިދާޅުވީ، ”ކުރިޔަށް ދިޔަ 39 ބިލިޔަން ރުފިޔާ މަޝްރޫއުގެ ތެރެއިން ވީހާވެސް ގިނަ މަޝްރޫއުތަށް ކުރިޔަށް ގެންދިޔުމަށް އެ ފައިސާ ބޭނުންކުރުމުގެ ގޮތުން، އާ މަޝްރޫއުތަކެއް އަޅުގަނޑުމެން ފަށައިގެން ކުރިޔަށް ނުގެންދަން ނިންމީ“ ކަމަށެވެ.
އެހެންނަމަވެސް، މިއަހަރުގެ ބަޖެޓުން އެ މަސައްކަތް ނުކުރެވުނަސް، 2025 ވަނަ އަހަރުގައި އެ މަސައްކަތް ކުރެވޭތޯ ބައްލަވާނެ ކަމަށްވެސް މިނިސްޓަރ މުއްތަލިބު ވިދާޅުވި އެވެ. މީގެ އިތުރުން، އަންނަ އަހަރަށް ލަފާކުރާ ދައުލަތުގެ ބަޖެޓުގައި ޕީއެސްއައިޕީ މަޝްރޫއުތަކަށް ބަޖެޓް ބޮޑު ކޮށްފައިވާނެ ކަމަށާއި، ގިނަ މަޝްރޫއުތައް ކުރިއަށް ގެންދާނީ ވަކި ތަރުތީބެއްގެ ތެރެއިން ކަމަށްވެސް މިނިސްޓަރ ފާހަގަކުރެއްވި އެވެ.
މިނިސްޓަރު ޑރ. އަބްދުﷲ މުއްތަލިބު މިނިސްޓްރީ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ
