ރައްޔިތުންގެ މަޖިލީހުގެ މި ދައުރުގެ މުއްދަތު އިތުރުކުރަން މަޖިލީހުގެ ރިޔާސަތުން ހުށައަޅުއްވައިފި އެވެ.
މަޖިލީހުގެ މިއަދުގެ ޖަލްސާ ފަށްޓަވައިދެއްވަމުން މަޖިލީހުގެ ރައީސް ޢަބްދުއްރަޙީމް ޢަބްދުﷲ ވިދާޅުވީ، މި ދައުރުގެ މުއްދަތު އިތުރުކުރުމަށް ނިންމާފައިވަނީ މަޖިލީހުގައި ނިންމުމަށް މުހިންމު މަސައްކަތްތަކެއް ހުރުމުން ކަމަށެވެ.
ރައްޔިތުންގެ މަޖިލީހުގެ ގަވާއިދުގައިވާ ގޮތުން މަޖިލީހުގެ މި ދައުރުގެ ފަހު ދުވަހަކީ ނޮވެމްބަރު 30 ވަނަ ދުވަހެވެ. އެހެން ނަމަވެސް އަންނަ މަހުގެ 15ވަނަ ދުވަހާ ހަމައަށް ދައުރު ދަންމާލަން މަޖިލީސް ރައީސް ވަނީ ހުށަހެޅުއްވާފަ އެވެ.
އެގޮތުން، މަޖިލީހުގެ ދައުރު އިތުރުކުރެވޭނީ މެންބަރުންގެ މެދުގައި ނަގާ ވޯޓަކުންނެވެ. އެހެންކަމުން އަންނަ މަހުގެ 15ވަނަ ދުވަހާ ހަމައަށް ދައުރު އިތުރުކުރުމަށް މިއަދުގެ ވޯޓުގެ ވަގުތުގައި ވޯޓަށް އެހުމަށް ވަނީ ތާވަލުކޮށްފަ އެވެ.
ރައްޔިތުންގެ މަޖިލިސް އަބްދުއްރަހީމް އަބްދުﷲ، ރައްޔިތުންގެ މަޖިލީހުގެ ރައީސް
