ވެލާނާ އިންޓަނޭޝަނަލް އެއާޕޯޓު (ވީއައިއޭ)ގެ އާ ޓާމިނަލްގެ މަސައްކަތުގެ 85 އިންސައްތަ މިހާރު ނިމިފައިވާ ކަމަށާއި، އަންނަ އަހަރުގެ ޖުލައި މަހުގެ ތެރޭގައި ހުޅުވޭނެ ކަމަށް އެ އެއާޕޯޓު ހިންގާ ކުންފުނި، މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ބުނެފި އެވެ.
އެމްއޭސީއެލްއިން މިކަން ހާމަ ކުރީ މިއަދު ބޭއްވުނު ރައްޔިތުންގެ މަޖިލީހުގެ ސަރުކާރު ހިއްސާވާ ކުންފުނިތަކުގެ ކަންކަން ބަލަހައްޓާ އެސްއޯއީ ކޮމިޓީގެ ސަބްކޮމިޓީގެ ބައްދަލުވުމުގަ އެވެ.
އެގޮތުން ގައްދޫ ދާއިރާގެ ޕީއެންސީ މެންބަރު މުހައްމަދު އަލީ ކުރެއްވި ސުވާލަކަށް ޖަވާބު ދެއްވަމުން އެމްއޭސީއެލްގެ މެނޭޖިން ޑިރެކްޓަރު އިބްރާހިމް ޝަރީފް މުހައްމަދު ވިދާޅުވި ގޮތުގައި، ޓާމިނަލްގެ މަސައްކަތް ވަރަށް ބާރަށް، ޝެޑިއުލްއަށް ވުރެ ވެސް އަވަސްކޮށް ކުރިއަށްދާ ކަމަށެވެ.
ޓާމިނަލްގެ މަސައްކަތްތައް ރާވާފައި އޮތް ވަރާ އެއްވަރަށް ނުވަތަ ގާތްގަނޑަކަށް މިހާރު ޕްލޭންޑް ލެވެލްއަކީ މިއަދާ ހަމައަށް 82 އިންސައްތަ. އަޅުގަނޑުމެންނަށް އެޗީވް ވެއްޖެ ގާތްގަނޑަކަށް 85 އިންސައްތަ. އޭގެ މާނަ އަކީ އަޅުގަނޑުމެންނަށް ޝެޑިއުލްއާ އެއްވަރަށް މަސައްކަތްތައް އެބަދޭ ކުރިއަށް.
ވީއައިއޭގެ އާ ޓާމިނަލްގެ މަސައްކަތް މިހާރު ކުރިއަށްދާ ސްޕީޑަށް ބަލާއިރު އަންނަ އަހަރުގެ ޖޫން ނުވަތަ ޖުލައި މަހުގެ ނިޔަލަށް ޓާމިނަލް ހުޅުވޭނެކަމަށް ޝަރީފް ވިދާޅުވި އެވެ.
އެމްއޭސީއެލް އެމްއޭސީއެލްގެ އެމްޑީ އިބްރާހިމް ޝަރީފް ވެލާނާ އިންޓަނޭޝަނަލް އެއާޕޯޓް (ވީއައިއޭ)
