ޒުވާނުން ބާރުވެރިކުރުމަށް ރަނގަޅު އަހުލާގެއްގެ މަށްޗަށް ތަރުބީޔަތު ކުރަން ޖެހޭ ކަމަށް ރައްޔިތުންގެ މަޖިލިހުގެ ހުޅުމާލެ އުތުރު ދާއިރާގެ ޕީއެންސީގެ މެމްބަރު ހުސެއިން ޝަރީފް (ހުސެންބެ) ވިދާޅުވެއްޖެ އެވެ.
ހުސެންބެ މިހެން ވިދާޅުވީ، ކުޅިވަރުގެ ގާނޫނަށް ގެންނަން ހުށަހެޅި އިސްލާހަށް ބަހުސް ކުރައްވަމުންނެވެ.
”އަޅުގަނޑުމެންގެ ޒުވާނުން ބާރުވެރި ކުރުމަށްޓަކައި އެމީހުން ޑިސިޕްލިން ކުރުވަންވީ، ރަނގަޅު އަހުލާގެއްގެ މަށްޗަށް ތަރުބިއްޔަތު ކުރަންވީ،“
މި ގައުމު އުފެދިފައި އޮތް ގޮތުން ރާއްޖޭގެ ވެއްޓަކީ ވަރަށް ހިތްފަސޭހަ ތަނެއް ކަމަށާއި، ދުނިޔޭގެ ގައުމުތަކުން އަނެއް ގައުމުތަކަށް އަންނަން ޖެހޭ ގޮތަށް ހަތަރު މޫސުމެއް އައިސްގެން ކޮންމެ މޫސުމަކަށް ހެދުން ބަދަލުކޮށް ފިނި ހެދުމަށް ބަދަލުކުރާކަށް ދިވެހީން ނުޖެހޭ ކަމަށްވެސް ހުސެންބެ ވިދާޅުވި އެވެ.
ހުސެންބެ ވިދާޅުވީ، މި ގައުމުގެ ވެށިއޮތީ ވަރަށް ރަނގަޅު މާހައުލެއްގައި ކަމަށާއި، ދިވެހީންގެ އާދަކާދައަށް ގެނެސްފައިވާ ބަދަލުތަކުގެ ތެރެއިން ޒުވާނުން ބާރުވެރިކުރުމަށް މަސައްކަތް ކުރަންޖެހޭ ކަމަށެވެ.
”ސްކޫލް ނިންމުމަށް ފަހު ފެންނަނީ ދެ ޖިންސުގެ އުމުރުގެ ކުރިން ތަފާތު އެކި ރާގުރާގަށް ބޮޑުބެރު ޖަހަގައި އެ ކުދިންގެ މަސްތުގެ ދުނިޔެއަށް ދާ މަންޒަރު.“
ހުސެންބެ އިތުރަށް ވިދާޅުވީ، މުޅި ނިޒާމްގެ ތެރެއިން ދިވެހިންގެ އާދަކާދަ ބަދަލުކުރަންޖެހޭ ކަމަށެވެ.
ހުޅުމާލެ އުތުރު ދާއިރާގެ މެމްބަރު ހުސެއިން ޝަރީފް ރައްޔިތުންގެ މަޖިލިސް
