ސަރުކާރަށް އެއް އަހަރު ފުރުމުގެ މުނާސަބާއާއި ގުޅުވައިގެން ސިޓީސް މިނިސްޓްރީ އިން ހާއްސަ މަޝްވަރާ ބައްދަލުވުމެއް ބާއްވައިފި އެވެ.
ސިޓީތަކާއި އިދާރީ ދާއިރާތައް ހިންގުމާއި އާއްމު މަސައްކަތްތަކާއި ބެހޭ ވުޒާރާގެ ފަރާތުން މިއަދު ބާއްވާ ހަފްތާ 52 މަސައްކަތު ބައްދަލުވުން އިފްތިތާހުކޮށްދެއްވީ ވަޒީރު އާދަމް ޝަރީފް އުމަރު އެވެ.
މިރަސްމިއްޔާތުގައި ވާހަކަފުޅު ދައްކަވަމުން މިނިސްޓަރ އާދަމް ޝަރީފް އުމަރު ވިދާޅުވީ މި މަސައްކަތު ބައްދަލުވުމުގެ ބޭނުމަކީ މިނިސްޓްރީގެ ލެވެލްގައި ކުރިއަށް އޮތްތާގައި މިނިސްޓްރީގެ މަސައްކަތްތައް ކުރިއަށް ގެންދިއުމަށް ހުރި ކަންތަކާއި ގުޅޭ ގޮތުން މަޝްވަރާކުރައްވައި އެކަން ކަން ރަނގަޅުކުރެެވުމަށް ވަރަށް ބޮޑަށް ހުޅުވާލެވިފައިވާ މާހައުލެއްގައި މަޝްވަރާކުރެވި، ކުރިއަށް އޮތްތާގައި ރަނގަޅު ހިދުމަތްތަކެއް ދިނުމަށް މަސައްކަތް ކުރެވޭނެ މާހައުލެއް ގާއިމް ކުރުން ކަމަށެވެ.
”އަޅުގަނޑުމެން ތަންކޮޅެއް ފުންކޮށް ވިސްނާލާ ވޭތުވެ ދިޔަ އަހަރު އަޅުގަނޑުމެންގެ މިމިނިސްޓްރީ އިދާރީ ހިންގުމާއި، އަދި މި މިނިސްޓްރީގެ ކަންކަން ހުރި ގޮތް ރަނގަޅަށް ދެނެގަތުމަށްޓަކައި ތަހުލީލީ ނަޒަރަކުން އެކަންކަމާއި ދޭތެެރޭގައި ފުންކޮށްވިސްނައިލައިގެން މަސައްކަތްކޮށްލައިގެން އަޅުގަނޑުމެން ކުރިއަށް ދިއުން“ މިނިސްޓަރ ވިދާޅުވި އެވެ.
މިނިސްޓަރ އިތުރަށް ފާހަގަކުރެއްވި ގޮތުގައި ވޭތުވެދިޔަ އަހަރަކީ މިނިސްޓްރީގެ ސިޔާސީ ބޭފުޅުންނާއި ސިވިލް ބޭފުޅުން ވަރަށް ރަނގަޅަށް މަސައްްކަތްތައް މޭނޭޖް ކޮށްގެން ކުރިއަށް ގެންދިޔަ އަހަރެއް ކަމަށާއި، އެގޮތުން ސަރުކާރުގެ ސިިޔާސަތުތައް ތަންފީޒުކުރެއްވުމަށް ޓަކައި ގިނަ ގުނަ މަސައްކަތްތަކެއް ކުރެވިގެން ދިޔަ ކަމަށް ވިދާޅުވި އެވެ.
އެގޮތުން ރައީސުލްޖުމުހޫރިއްޔާގެ ވައުދުތަށް ފުއްދެވުމަށްޓަކައި ހާއްސަ މަސައްކަތްތަކެއް ކުރެއްވަމުން ގެންދެވިކަމަށާއި އެގޮތުން އީދުލައިޓްސް ރަށްރަށަށް ފޮނުވުމާއި، ރަމަޟާން އެލެވެންސް އަތޮޅުތަކަށް ބެހުމުގެ އިތުރަށް ރަށްރަށުގެ ކައުންސިލްތަކާއި އެކު ގިނަ ގުނަ މަސައްކަތްކުރައްވައި ސީދާ މިނިސްޓަރ 178 ބައްދަލުވުމެއް ޗެއާރކުރެއްވިކަން ވަނީ ފާހަގަކުރައްވާފަ އެވެ.
އެއްދުވަހުގެ މުއްދަތަށް ސްޓެލްކޯ އޮޑިޓޯރިއަމްގައި ކުރިއަށް ގެންދާ މި މަސައްކަތު ބައްދަލުވުމުގައި ސިޓީސް މިނިސްޓްރީގެ އިސް ބޭފުޅުން ނާއި އަތޮޅުތެރޭގައި މަސައްކަތްކުރައްވާ މިނިސްޓްރީގެ ބޭފުޅުން ބައިވެރިވެ ވަޑައިގަންނަވަ އެވެ.
މިނިސްޓަރު އާދަމް ޝަރީފް އުމަރު މިނިސްޓްރީ އޮފް ސިޓީސް، ލޯކަލް ގަވަރންމަންޓް އެންޑް ޕަބްލިކް ވާރކްސް
