ލޯބިވެރިޔާގެ ބްލެކްމެއިލްކޮށް ބަރަހަނާ ފޮޓޯތަކެއް ލީކްކުރާނެކަމަށް ބުނެ ބިރުދެއްކި ފުލުސް މީހާ އޭނާގެ ފޯނު ނައްތާލައިފި ކަމަށް ތުހުމަތު ކޮށްފި އެވެ.
މި މައްސަލާގައި ހައްޔަރު ކޮށްފައިވަނީ އއ. މަތިވެރި / ފަޒާ އުމުރުން 19 އަހަރުގެ ޒައިދާން މުހައްމަދު އެވެ. އޭނާއަކީ އެރަށު ޕޮލިސް ސްޓޭޝަންގައި މަސައްކަތްކުރާ ރެކްރޫޓު ފުލުހެކެވެ.
ކޯޓު އަމުރެއްގެ ދަށުން ޒައިދާން ހައްޔަރު ކުރުމަށް ފަހު އެންމެ ފުރަތަމަ އޭނާގެ ބަންދާ މެދު ގޮތެއް ނިންމީ އއ. މަތިވެރި މެޖިސްޓްރޭޓް ކޯޓުންނެވެ.
އަދި އެ މުއްދަތު ހަމަވެގެން އޭނާގެ ބަންދު އަލުން ކޯޓަށް ގެންގޮސް އިތުރު ކޮށްފައިވާއިރު، އޭނާގެ ފޯނާ އަދި މައްސަލައާ ގުޅޭ ހެކިތައް އޭނާ ނައްތާލާފައިވާ ކަމަށް ފުލުހުން ތުހުމަތުކުރެ އެވެ.
މި މައްސަލަޢައި ގުޅިގެން ފުލުހުން ކުރިން ބުނެފައި ވަނީ، އެ ފުލުސް މީހާ އޭނާގެ ލޯބިވެރިޔާއަށް ބިރުދައްކާ ލޯބިވެރިޔާގެ ބަރަހަނާ ފޮޓޯ އާއި ވީޑިއޯ ސޯޝަލް މީޑިއާގައި ލީކު ކޮށްލާނެ ކަމަށް ބުނެ ބިރުދައްކާ އިންޒާރުދީ، ބްލެކް މެއިލްކުރި ކަމަށް ތުހުމަތު ކުރެވޭކަމަށެވެ.
ފުލުހުން އިތުރަށް ބުނެފައިވަނީ، މި މައްސަލަ އިތުރަށް ތަހުގީގުކުރަމުންދާ ކަމަށެވެ.
