ރާއްޖޭގެ ހަ މިސްކިތެއް ދުނިޔޭގެ ތަރިކަ ލިސްޓުގައި ހިމެނުމަށް މަސައްކަތް ކުރަމުން ގެންދާ ކަމަށް މިނިސްޓަރ އޮފް ދިވެހި ލެންގުއޭޖް، ކަލްޗަރ އެންޑް ހެރިޓޭޖް، އާދަމް ނަސިރު އިބްރާހީމް ވިދާޅުވެއްޖެ އެވެ.
މިނިސްޓަރ މި މަޢުލޫމާތު ހާމަކުރެއްވީ ޖަވިޔަނި ނޫހަށް ދެއްވި އިންޓަވިއުއެއްގަ އެވެ.
މިނިސްޓަރ ވިދާޅުވި ގޮތުގައި މިއީ ކުރިން ވެސް ކުރަމުން އައި މަސައްކަތެއް ކަމަށާއި، މިހާރުގެ ސަރުކާރުން ވެސް މި މަސައްކަތަށް އިސްކަން ދެމުންދާ ކަމަށެވެ. އަދި މި މަސައްކަތާ ގުޅޭ ގޮތުން ޔުނެސްކޯގެ ރީޖަނަލް ޑައިރެކްޓަރާއި އިސެސްކޯގެ މަސްއޫލުވެރިންނާ މަޝްވަރާކުރެވިފައިވާ ކަމަށް ވެސް މިނިސްޓަރު ފާހަގަކުރެއްވި އެވެ.
ދުނިޔޭގެ ތަރިކަ ލިސްޓުގައި ހިމެނުމަށް ހުށަހަޅާފައިވާ ހަ މިސްކިތަކީ:
- އިހަވަންދޫ ހުކުރު މިސްކިތް
- މީދޫ ހުކުރު މިސްކިތް
- މާލެ ހުކުރު މިސްކިތް
- މާލޭ އީދު މިސްކިތް
- މެންފުށީ މިސްކިތް
- އިސްދޫ މުސްކުޅި މިސްކިތް
މިނިސްޓަރ އިތުރަށް ވިދާޅުވި ގޮތުގައި، އިސެސްކޯއިން މި ތަންތަން އެ ފަރާތުގެ ލިސްޓުގައި ހިމެނުމަށް ނިންމާނީ މި އަންނަ އަހަރު އެ ފަރާތުން ކަނޑައަޅާ ތާރީޚެއްގަ އެވެ.
މި މަސައްކަތަކީ ރާއްޖޭގެ އިސްލާމީ ލާމީ ތަރިކަ ދެމެހެއްޓުމަށާއި، ބައިނަލްއަޤްވާމީ ފެންވަރުގައި ރާއްޖޭގެ ތާރީޚީ އަދި ސަގާފީ މުހިންމުކަން ފާހަގަކުރުމަށް އެޅޭ މުހިންމު ފިޔަވަޅެއް ކަމުގައި ބެލެވެ އެވެ. މި މިސްކިތްތައް ދުނިޔޭގެ ތަރިކަ ލިސްޓުގައި ހިމެނިއްޖެނަމަ، އެއީ ރާއްޖޭގެ ފަތުރުވެރިކަމަށާއި ސަގާފީ ދިރާސާތަކަށް ވެސް ލިބިގެންދާނެ ބޮޑު ކުރިއެރުމެއް ކަމުގައި ފާހަގަކުރެވެ އެވެ.
މިނިސްޓަރު އާދަމް ނަސީރު އިބްރާހިމް ދިވެހި ބަހާއި ސަގާފަތާއި ބެހޭ މިނިސްޓްރީ
