ރާއްޖެ ކައިރީގައި ކޮޅިގަނޑެއް އުފެދިފައިވާތީ ކުރިއަށް އޮތް 5 ދުވަހު ރާއްޖޭގެ މޫސުން ގޯސްވާނެ ކަމަށް މޫސުމާއި ބެހޭ ގައުމީ އިދާރާ، މެޓް އޮފީހުން މިއަދު ބުނެފި އެވެ.

މެޓް އޮފީހުން މިއަދު ނެރުނު ބަޔާނެއްގައި ބުނެފައިވަނީ މިއަންނަ ބުދަ ދުވަހުން ފެށިގެން ފަސް ދުވަހަށް މޫސުން ގޯސްވާނެ ކަމަށެވެ. މިކަމަށް މައިގަނޑު ސަބަބަކީ ރާއްޖޭގެ އިރުން ބޭ އޮފް ބޭންގާލުގައި މިހާރު އުފެދިފައިވާ ކޮޅިގަނޑު ގަދަވަމުންދާތީ އެވެ.

މެޓް އޮފީހުގެ ބަޔާނުގައި ވާގޮތުން، މި ކޮޅިގަނޑު ދަތުރުކުރަނީ އިންޑިއާގެ ޓެމިލްނާޑޫ އާއި އަވަށްޓެރި ސްރީލަންކާގެ އައްސޭރިފަށާ ދިމާލަށެވެ. އަދި ހަމައެއާއެކު، ރާއްޖޭގެ އިރުދެކުނުންވެސް ބާރުގަދަ ކޮޅިގަނޑެއް އުފެދިފައިވާކަމަށް ބަޔާނުގައި ފާހަގަކޮށްފައިވެ އެވެ.

މި ދެ ކޮޅިގަނޑުގެ ސަބަބުން، މި ހަފުތާ ބުދަ ދުވަހުން ފެށިގެން ރާއްޖޭގެ އެކި ސަރަހައްދުތަކަށް ވައިގަދަވެ ކަނޑުވެސް ގަދަވާނެ ކަމަށް މެޓް އޮފީހުން ލަފާކުރެ އެވެ. ވަކިން ޚާއްޞަކޮށް، ރާއްޖޭގެ ދެކުނުގެ އަތޮޅުތަކަށް 15 މޭލާއި 25 މޭލާ ދެމެދުގެ ބާރުމިނުގައި ވައިޖެހޭނެކަމަށް ލަފާކުރެވޭ ކަމަށާއި، ރާއްޖޭގެ އުތުރާއި މެދުރާއްޖެ ތެރެއަށް ގަޑިއަކު 13 މޭލާއި 23 މޭލާ ދެމެދުގެ ބާރުމިނުގައި ވައިޖެހޭނެކަމަށް ލަފާކުރެވޭ ކަމަށް ބަޔާނުގައި ބުނެފައިވެ އެވެ.

މެޓުން ވަނީ މޫސުމަށް ސަމާލުވެ، ކަނޑުގަދަ ވަގުތުތަކުގައި ވީހާވެސް ކަނޑު ދަތުރުފަތުރު ކުރުމުގައި ސަމާލުވުމަށް އެދިފައި އެވެ.

މޫސުން ގޯސްވުން މޫސުމާ ބެހޭ ގައުމީ އިދާރާ