ރައީސް ޑރ. މުހައްމަދު މުއިއްޒުގެ އިރުޝާދުގެ ދަށުން ހާއްސަ އެހީއަށް ބޭނުންވާ ކުދިންނަށް ވަޒީފާގެ ފުރުސަތުތައް ފަހިކޮށްދިނުމަށް މަސައްކަތްތަކެއް ކުރަމުންދާ ކަމަށް ސޯޝަލް މިނިސްޓަރ ޑރ. އައިޝަތު ޝިހާމް ވިދާޅުވެއްޖެ އެވެ.
މިނިސްޓަރ މިހެން ވިދާޅުވީ ޖަވިޔަންޏަށް ދެއްވި އިންޓަވިއުއެއްގަ އެވެ.
މިނިސްޓަރ ޝިހާމް ވިދާޅުވި ގޮތުގައި، ހާއްސަ އެހީއަށް ބޭނުންވާ މީހުންގެ ތަފްސީލުތައް އަޕްލޯޑު ކުރެވި، އެ ކުދިންނަށް ވަޒީފާއަށް ތައްޔާރުކުރުމުގެ ޕްރޮގްރާމްތައް ކެޔާ ސޮސައިޓީއާ ގުޅިގެން ހިންގަމުންދެއެވެ. އަދި ވަޒީފާދޭ ފަރާތްތަކާ ގުޅިގެން އިތުރު ވަޒީފާގެ ފުރުސަތުތަކާއި އިންޓަރންޝިޕް ފުރުސަތުތައްވެސް ހޯދަމުން ގެންދާ ކަމަށް މިނިސްޓަރު ވިދާޅުވި އެވެ.
މީގެއިތުރުން، މުޅި މުޖުތަމަޢު ގުޅިގެން ޝާމިލްވާ ސޮސައިޓީއަކަށް ބަދަލުކުރުމަށްޓަކައި ރައީސްގެ އިރުޝާދުގެ ދަށުން މިހާރު ސައިން ލޭންގުއޭޖް ކޯސްތައް ހިންގުމަށް ހަޔާ އެޑިއުކޭޝަނާއެކު މަޝްވަރާކުރަމުންދާ ކަމަށްވެސް މިނިސްޓަރ ޝިހާމް ހާމަކުރެއްވި އެވެ.
މި މަސައްކަތްތަކަކީ ހާއްސަ އެހީއަށް ބޭނުންވާ ފަރާތްތަކަށް ވަޒީފާގެ ފުރުސަތުތައް އިތުރުކޮށް، އެފަރާތްތަކުގެ ދިރިއުޅުމުގެ ފެންވަރު ރަނގަޅުކުރުމަށް ސަރުކާރުން ކުރަމުންދާ މުހިންމު މަސައްކަތްތަކެއް ކަމަށް ބެލެވެ އެވެ.
އިޖުތިމާއި އަދި އާއިލީ ތަރަށްގީއާއި ބެހޭ މިނިސްޓަރ އާއިޝަތު ޝިހާމް
