އޭސީސީ/އީސީގެ ރައީސް އައްޔަންކުރުމުގެ ބާރު ރައީސަށް ދޭން ރައްޔިތުންގެ މަޖިލީހގެ ކޮމިޓީ އިން ފާސްކޮށްފި އެވެ.
ބިލް ބަލައިގަނެ، ދިރާސާ ކުރަން މިނިވަން މުއައްސަސާތަކުގެ ކޮމިޓީއަށް ފޮނުވީ މި މަހުގެ 25 ގައެވެ. އެ ދެ ކޮމިޝަންގެ ގާނޫނަށް ސަރުކާރުގެ ފަރާތުން އިސްލާހު ގެނައުމަށް ރައްޔިތުންގެ މަޖިލީހަށް ހުށަހެޅި ބިލު، މިނިވަން މުއައްސަސާތަކުގެ ކޮމިޓީ އިން މިއަދު ވަނީ ފާސްކޮށްފަ އެވެ.
ބިލާއި ބެހޭ ކޮމިޓީ ރިޕޯޓް ފާސްކޮށްފައިވަނީ ނިމިދިޔަ ބުދަ ދުވަހު އެވެ.
މީގެ ކުރިން އީސީ އާއި އޭސީސީގެ ރައީސް އައްޔަންކުރަނީ ކޮމިޝަންގެ މެންބަރުންގެ މެދުގައި ނަގާ ވޯޓަކުން ނެވެ. ނަމަވެސް މަޖިލީހުގެ މި ނިންމުމާއިއެކު މިހާރު މި ދެކޮމިޝަންގެ ރައީސް އައްޔަންކުރުމުގެ ބާރު ލިބިވަޑައިގަންނަވަނީ ރައީސުލްޖުމްހޫރިއްޔާ އަށެވެ. ރައީސް މި ދެ މަގާމަށް އައްޔަންކުރައްވަން މަޖިލީހަށް ނަން ފޮނުއްވުމުން މަޖިލީހުގެ މެންބަރުން ނަގާ ވޯޓަކުން އެ ފަރާތްތަކުން ކޮމިޝަންތަކަށް އައްޔަންކުރެވޭނެ އެވެ.
މިކަމާއި ގުޅިގެން އީސީ އާއި އޭސީސީއަށް ސަރުކާރުގެ ނުފޫޒު ފޯރާ، އެ ދެ ކޮމިޝަނަށް މިނިވަންކަމާއިއެކީ މަސައްކަތް ނުކުރެވޭނެ ކަމަށް ބުނެ އިދިކޮޅު ފަރާތްތަކުން ދަނީ ކަންބޮޑުވުން ފާޅުކުރަމުން ނެވެ.
ރައްޔިތުންގެ މަޖިލިސް އިލެކްޝަންސް ކޮމިޝަން (އީސީ) އެންޓި ކޮރަޕްޝަން ކޮމިޝަން (އޭސީސީ) ޖުޑީޝަރީ ކޮމެޓީ
