ގއ. ކަނޑުހުޅުދޫގައި ހިންގި މާރާމާރީއެއްގައި ދެ މީހަކަށް އަނިޔާވެ ގއ. އަތޮޅު ހޮސްޕިޓަލުގައި ފަރުވާދެމުން އަންނަ ކަމަށް ފުލުހުން ބުނެފި އެވެ.
ފުލުހުން މީޑިއާތަކސް ފޮނުވި މެސެޖެއްގައި ބުނެފައި ވަނީ، ކަނޑުހުޅުދޫގައި ދެ މީހެއްގެ ދެމެދުގައި މާރާމާރީއެއް ހިންގި މައްސަލައެއް ރޭ 21:37 އެހާކަންހާއިރު ރިޕޯޓް ކޮށްފައިވާ ކަމަށެވެ.
ފުލުހުން ބުނީ، މި މާރާމާރީގައި އެ ދެ މީހުންނަށް ވެސް އަނިޔާވެފައިވާ ކަމަށާއި، އެ ދެ މީހުންނަށް ވެސް ގއ. އަތޮޅު ހޮސްޕިޓަލުގައި ފަރުވާ ދެމުންގެންދާ ކަމަށެވެ.
އެ މާރާމާރީގައި އަނިޔާވީ 37 އަހަރާއި 40 އަހަރުގެ ދިވެހި ދެ ފިރެހެނުންނަށް ކަމަށް ފުލުހުން ބުނެ އެވެ.
ފުލުހުން އިތުރަށް ބުނެފައި ވަނީ މި މައްސަލަ ތަހުގީގު ކުރަމުންދާ ކަމަށެވެ.
