ޒިކުރާ އިންޓަނޭޝަނަލް ކޮލެޖުން 1070 ދަރިވަރުން ރޭ ދަސްވެނިވެއްޖެ އެވެ.
އެ ދަރިވަރުން ދަސްވެނިވެފައި ވަނީ ފުވައްމުލަށް ސިޓީގައި އެކަމަށް ޚާއްސަކޮށް ބޭއްވި ރަސްމިއްޔާތެއްގަ އެވެ.
މި ރަސްމިއްޔާތު ޝަރަފުކޮށްދެއްވާފައި ވަނީ އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސައީދު އެވެ.
މިއަހަރު އެ ކޮލެޖުން ދަސްވެނިވި, 1070 ދަރިވަރުންގެ ތެރޭގައި 907 އަންހެން ދަރިވަރުންނާއި 163 ފިރިހެން ދަރިވަރުން ހިމެނެ އެވެ.
ދަރިވަރުން ދަސްވެނިވި ބައެއް ދާއިރާތައް:
- ޑިޕްލޮމާ އިން އޮފީސް މެނޭޖްމަންޓް
- ޑިޕްލޮމާ އިން ބިޒްނަސް މެނޭޖްމަންޓް
- ބެޗެލާ އޮފް ހިއުމަން ރިސޯސް މެނޭޖްމަންޓް
- ބެޗެލާ އޮފް ޓީޗިން ސެކަންޑްރީ މެތަމެޓިކްސް
- ބެޗެލާ އޮފް ޕްރައިމަރީ ޓީޗިން
- ބެޗަލާ އޮފް ޓީޗިން އަރަބިކް ލެންގުއޭޖް
- ބެޗެލާ އޮފް ޓީޗިން ގުރުއާން
- މާސްޓާ އޮފް ޓީޗިން ގުރުއާން
- މާސްޓާ އޮފް އިންކްލޫސިވް އެޑިއުކޭޝަން
މި ރަސްމިއްޔާތުގައި ވާހަކަދައްކަވަމުން އެ ކޮލެޖުގެ ވައިސް ރެކްޓާ ހުސައިން ސައީދު ވިދާޅުވީ، މީގެ 9 ވަރަކަށް އަހަރު ކުރިން އިލްމު ފޯރުކޮށްދިނުމަށް ފެށި ދަތުރު އަމާންކަމާ އެއްކޮށް ފަސޭހަ ކުރުމަށް ކެނޑިނޭޅި މަސައްކަތް ކުރަމުން އަންނަ ކަމަށެވެ.
އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ޒިކުރާ ކޮލެޖް
