މޯލްޑިވްސް ޕޯޓްސް ލިމިޓެޑް (އެމްޕީއެލް) އިން އަންހެނުންނަށް ޚާއްސަކޮށްގެން އެޕްރެންޓިސްޝިޕް ޕްރޮގްރާމެއް ތަޢާރަފުކޮށް، އެ ޕްރޮގްރާމުގައި ބައިވެރިވުމުގެ ފުރުޞަތު ހުޅުވާލައިފި އެވެ.
މިއީ ޔޫތު މިނިސްޓްރީއާ ގުޅިގެން ކުރިއަށް ގެންދިއުމަށް ހަމަ�ެހިފައިވާ ޕްރޮގްރާމެކެވެ.
އެމްޕީއެލްއިން ގެޒެޓްކުރި އިޢުލާނުގައިވާ ގޮތުން، މި ޕްރޮގްރާމުގައި ޖުމްލަ ހަތް ދާއިރާއެއް ހިމެނެ އެވެ. އެއީ ވެލްޑިންގ، ކާޕެންޓަރ، މެޝިނިސްޓް، މެރިން މެކޭނިކް، އިލެކްޓްރިޝަން، މެކޭނިކް އަދި އެއަރ ކޮންޑިޝަނިންގ އެންޑް ރެފްރިޖަރޭޝަން އެވެ. މި ޕްރޮގްރާމުގައި ޖުމްލަ 18 ބައިވެރިންނަށް ފުރުޞަތު ދޭން ވަނީ ހަމަޖެހިފަ އެވެ.
ހަ މަސްދުވަހުގެ މުއްދަތަށް ކުރިއަށްގެންދާ މި ޕްރޮގްރާމުގެ ބައިވެރިންނަށް ކޮންމެ މަހަކު 5,000 ރުފިޔާގެ އެލަވަންސެއް ލިބޭނެ އެވެ. މި ޕްރޮގްރާމަކީ މަސައްކަތުގެ ދާއިރާތަކުގައި އަންހެނުންގެ ބައިވެރިވުން އިތުރުކޮށް، މީހުން ބިނާކުރުމުގެ ގޮތުން ކުރިއަށް ގެންދާ ޕްރޮގްރާމެކެވެ.
ޕްރޮގްރާމުގައި ބައިވެރިވުމަށް ޝައުޤުވެރިވާ ފަރާތްތަކުން އެމްޕީއެލްގެ ވެބްސައިޓުގައި ދީފައިވާ ލިންކް މެދުވެރިކޮށް އެޕްލިކޭޝަން ފޯމު ހުށަހެޅުމަށް ވަނީ އެދިފަ އެވެ. އެޕްލިކޭޝަން ހުށަހެޅުމުގެ ސުންގަޑިއަކީ 24 ނޮވެންބަރު 2023 ވާ އާދީއްތަ ދުވަހުގެ 14:00 އެވެ.
މި ޕްރޮގްރާމަކީ އަންހެނުން ވަޒީފާގެ މައިދާނަށް ނުކުތުމަށް ހިތްވަރުދީ، އެމީހުންގެ ހުނަރު އިތުރުކުރުމަށް މަގުފަހިކޮށްދޭނެ މުހިންމު ފިޔަވަޅެއް ކަމުގައި ބެލެވެ އެވެ.
