ރައީސުލްޖުމްހޫރިއްޔާގެ ދެކަނބަލުން ނުރަސްމީ ދަތުރުފުޅެއްގައި ރާއްޖެއިން ބޭރަށް ފުރާވަޑައިގެންފި އެވެ.
ރައީސް އޮފީހުން ރޭ ބުނީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު އަދި އެމަނިކުފާނުގެ އަނބިކަނބަލުން ސާޖިދާ މުހައްމަދު މިރޭގެެ ވަގުތެއްގައި އިނގިރޭސިވިލާތަށް ދަތުރުކުރައްވައިފި ކަމަށެވެ.
މި ދަތުރުފުޅުގައި، ރައީސުލްޖުމްހޫރިއްޔާ ކުރައްވާ އިދާރީ މަސައްކަތްޕުޅުތަކުގެ ހަރަދާއި، ޢާއިލާއާއި އަމިއްލަފުޅު ކަންކަންވެސް ހިމެނޭގޮތުން، މުޅި ދަތުރުފުޅުގެ ހުރިހާ ހަރަދެއްވެސް ކުރައްވާނީ ރައީސުލްޖުމްހޫރިއްޔާ އަމިއްލަފުޅަށެވެ.
މީގެ ކުރިންވެސް ރައީސް ވަނީ މިއަހަރު ތެރޭގައި ސިއްހީ ބޭސްފަރުވާގެ ބޭނުމަކަށް ސިންގަޕޫރަށް ވަޑައިގެންފަ އެވެ. ނަމަވެސް މިފަހަރުގެ ދަތުރުފުޅުގެ އެއްވެސް ތަފްސީލެއް ހާމަކޮށްފައި ނުވެ އެވެ.
