ރާއްޖޭގެ ފުރަތަމަ އައިއެސްއޯ ސާޓިފައިޑް ކޯލް ސެންޓަރގެ ޝަރަފް އުރީދޫ މޯލްޑިވްސްގެ ކޯލް ސެންޓަރ އަށް ހާސިލުކޮށްފައިވާކަން އިއުލާނުކޮށްފި އެވެ.
ތާރީހީ ކާބިޔާބީއަކާއިއެކު އުރީދޫގެ ކޯލް ސެންޓަރ ވެގެން މިދިއަޔީ ރާއްޖޭގެ ފުރަތަމަ އައި.އެސް.އޯ ސާޓިފައިޑް ކޯލް ސެންޓަރަށެވެ. އަދި މި ސަރަހައްދުގެ ދެވަނަ އައި.އެސް.އޯ ސަޓިފައިޑް ކޮންޓެކްޓް ސެންޓަރަށެވެ.
މި މުހިންމު ސާޓިފިކޭޝަންގައި އުރީދޫގެ އިން-ހައުސް ކޯލް ސެންޓަރުގެ އޮޕަރޭޝަންތަކާއި ކްލައިންޓް ކޯލް ސެންޓަރުގެ މެނޭޖްމަންޓް ހިމެނޭއިރު، ފެންވަރު ރަނގަޅު ހިދުމަތާއި ކަސްޓަމަރުންގެ ހިތްހަމަޖެހުމާއި އޮޕަރޭޝަނަލް އެކްސެލެންސްއަށް އުރީދޫއިން ދޭ އަހައްމިއްޔަތުކަން ފާހަގަކޮށްލެވެ އެވެ.
އެގޮތުން، މި ކާމިޔާބީއާއެކު އުރީދޫ މޯލްޑިވްސްއިން ވަނީ ރާއްޖޭގެ ކޯލް ސެންޓަރުތަކުގެ ކޮލިޓީއަށް އާ ބެންޗްމާކެއް ގާއިމްކޮށް، ކަސްޓަމަރުންނަށް ހިދުމަތުގެ ފެންވަރު ރަނގަޅުކަމުގެ ޔަގީންކަން ދީ، ޓެލެކޮމިއުނިކޭޝަންގެ ސަރަހައްދީ ލީޑަރެއްގެ މަގާމު އިތުރަށް ހަރުދަނާކޮށްފަ އެވެ.
މި ސާޓިފިކޭޝަންގައި ކޯލް ސެންޓަރ މެނޭޖްމަންޓްގެ މުހިންމު ހުރިހާ ކަމެއް ހިމެނޭއިރު، އޭގެ ތެރޭގައި ސަރވިސް އެފިޝަންސީ، ރެސްޕޮންސިބިލިޓީ، ކަސްޓަމަރުންގެ ހިތްހަމަޖެހުން، ޑޭޓާ ސެކިއުރިޓީ އަދި ސަރވިސް ރިލައިބިލިޓީ ހިމެނެ އެވެ.
