ކުޅުދުއްފުއްޓަށް ދިމަވެފައި އޮތް އެންމެ ބޮޑު އެއް ގޮންޖެހުމަކީ ބޯހިޔާވަހިކަމުގެ މައްސަލަ ކަމަށް މަޖިލީހުގެ ކުޅުދުއްފުށި އުތުރު ދާއިރާގެ މެންބަރު މުހައްމަދު ދާއޫދު ވިދާޅުވެއްޖެ އެވެ.
ދައޫދު މިހެން ވިދާޅުވީ، މަޖިލީހުގެ މިއަދުގެ ޖަލްސާގައި 2025 ވަނަ އަހަރަށް ލަފަކުރާ ދައުލަތުގެ ބަޖެޓަށް ބަހުސް ކުރަށްވަމުންނެވެ.
ދާއޫދު ވިދާޅުވީ، ނިމިދިޔަ ސަރުކަރުން 400 ހައުސިން ޔުނިޓް އަޅަން ފަށާފައިވާ ކަމަށާއި، 2022 ވަނަ އަހަރުގެ ޖުލައިމަހުގެ ތެރޭގައި 439 މިލިޔަން ރުފިޔާއައް މި މަސައްކަތް ހަވަލު ކުރެވިފައިވާ ކަަމަށެވެ.
އަދި ބޮންބޭސް ނަމަކަށް ކިޔާ ކުންފުންޏަކާ މި މަސައްކަތް ހަވާލު ކުރެވުނީ 540 ދުވަހުން މި މަސައްކަތް ނިންމައި ރައްޔިތުންނަށް ބޯހިޔާވަހިކަން ފޯރުކޮށްދިމުނަށް ކަމަށްވެސް ދާއޫދު ވިދާޅުވި އެވެ. އެހެންނަމަވެސް މި ސަރުކަރު ހަވަލުވިފަހުން މި މަޝްރޫއު ހަވަލުކުރިފަހުން 600 ދުވަސް ހިނގާފައިވާ ކަމަށްވެސް ދާއޫދު ވިދާޅުވި އެވެ.
“ 30 ސެޕްޓެންބަރު 2023 އާއި ހަމަޔަށް އޮތީ 600 ދުވަސް ފަހަނާޅައި ގޮސްފަ، އެ މުއަދަތުގެ ތެރޭގައި އެ މަޝްރޫއު ފެށުމަށް ބޮންބޭސްއަށް 69 މިލިޔަން ރުފިޔާ ވަނީ ދީފަ، އަދި ސައިޓް މޯބަލައިޒޭޝަން އައް 26 މިލިޔަން ރުފިޔާ އަދި އޭގެ އިތުރު 13 މިލިޔަން ރުފިޔާއެއް ދިފައިވޭ، އަދި މީގެ އިތުރުން ކޮންމެ މަހަކު އެއްމިލިޔަން ރުފިޔާ ފިނޭންސުން ލިބުންކަމަށް އެބަ ދައްކާ.“
ދައޫދު ވިދާޅުވީ، 100 މިލިޔަން ރުފިޔާ އެ ކުންފުންޏާއި ހަވާލުކުރިއިރު ހަމައެކަނި ހުރީ 5 ވަޅުގަނޑު ކޮނެފައި ކަމަށާއި، އެތަނުގައި މަދިރިފަނި އަޅަން 3 ވަޅުގަނޑު ދޫކޮށްލައިފައި، އަނެއް ދެ ވަޅުގަނޑުގައި ތަނބުތަކެއް ޖަހާފައިހުރި ކަމަށެވެ.
އަދި އިތުރު މަސައްކަތެއް މި 110 މިލިޔަނަކަށް ކޮށްފައި ނުވާ ކަމަށްވެސް ދާއޫދު ވިދާޅުވި އެވެ.
ރައްޔިތުންގެ މަޖިލިސް ކުޅުދުއްފުށި އުތުރު ދާއިރާގެ މެންބަރު މުހައްމަދު ދާއޫދު
