ވައިން ހަކަތަ އުފެއްދޭނެ ރަށްތައް ހޯދުމަށް ދިރާސާ ކުރަމުންދާ ކަމަށް އެންވާރަމެންޓް މިނިސްޓަރ ޠާރިޤު އިބްރާހީމް ވިދާޅުވެއްޖެ އެވެ.
މިނިސްޓަރ މިގޮތަށް ވިދާޅުވީ ”ޖަވިޔަނި“ އަށް ދެއްވި ހާއްސަ އިންޓަވިއުއެއްގަ އެވެ.
މި އިންޓަވިއުގައި ވާހަކަދައްކަވަމުން މިނިސްޓަރ ވިދާޅުވީ ވައިން ހަކަތަ އުފެއްދުމަކީ މީގެ 30 އަހަރު ކުރިންވެސް އެކި ލެވެލްގައި ރާއްޖޭގައި ކުރަމުންދިޔަ މަސައްކަތެއްް ކަމަށެވެ. އެގޮތުން، 2008 ވަނަ އަހަރުގައިވެސް ބައެއް ރަށްރަށުގައި ވިންޑް އެނާޖީ ބޭނުންކޮށްފައިވާ ކަމަށް މިނިސްޓަރ މައުލޫމާތު ދެއްވި އެވެ. އެހެން ނަމަވެސް، މި ކަންތައްތައް އެންމެ ރަނގަޅަށް ނުކުރެވޭތީވެ، އެ ޕްރޮޖްކްޓް ވަކި ހިސާބަކުން ކުރިއަށް ނުގޮސް ހުއްޓިފައި ވެއެވެ. މިހާރު އެންވާރަމެންޓް މިނިސްޓްރީން މަސައްކަތް ކުރަނީ އިތުރަށް ދިރާސާކޮށްގެން ރާއްޖޭގެ އެކި ކަންކޮޅުތަކުގައި ވައިން ހަކަތަ އުފައްދަން އެނާޖީ ޓާބައިން ބޭނުންކުރެވޭނީ ކޮން ސަރަހައްދެއްގައި ކަމާއި ކިހާ އުސްމިނެއްގައިކަން ބަލައި މި މަސައްކަތުގެ ދިރާސާތައް ކުރަމުންދާ ކަމަށް މިނިސްޓަރ މައުލޫމާތު ދެއްވި އެވެ. އެހެންވީމާ، މިގޮތަށް ހަދާ ނިންމާފައި އެ ދިރާސާގެ އަލީގައި މި މަޝްރޫއު ކުރިއަށްގެންދާނަ ކަމަށް މިނިސްޓަރ ވިދާޅުވި އެވެ.
މިނިސްޓަރ ވިދާޅުވީ 100 މެގަވޮޓްގެ ވައިން ހަކަތަ އުފައްދާ ނިޒާމެއް މާ ލަސްތަކެއް ނުވެ ބަހައްޓަން ރާވާފައިވާ ކަމަށެވެ. ރާއްޖޭގައި މިވަގުތު ސޯލާއިން ހަކަތަ އުފައްދަން މަސައްކަތް ކުރަމުންދާއިރު މި ނޫންވެސް އެހެނިހެން ގޮތްގޮތުން އިޔާދަކުރަނިވި ހަކަތަ ބޭރު ތަންތަނުގައި ބޭނުންކުރާ ކަން ވަޒީރު ފާހަގަކުރެއްވި އެވެ. އެގޮތުން ކަނޑުގެ ރާޅުން ހަކަތަ އުފެއްދުން ފަދަ ކަންތައްތައް ރާއްޖެއިން ބޭރުގައި ހޯދިފައިވާ ކަމަށާއި މިފަދަ ގޮތްތައް ރާއްޖޭގައި ޓެސްޓް ކުރެވިފައިނުވާ ކަމަށް އޭނާ ވިދާޅުވި އެވެ. އެންވާރަމެންޓް މިނިސްޓްރީން ކޮންމެވެސް ހިސާބެއްގައި 25 ކިލޮވޮޓް ކަރަންޓް ކަނޑުގެ އޮއިވަރުން އުފެއްދޭނެ ނިޒާމެއް ޓެސްޓް ކުރުމުގެ މަސައްކަތް ކުރާނެ ކަމަށް މިނިސްޓަރ ވިދާޅުވި އެވެ.
މީގެ އިތުރަށްވެސް، 4 ރަށެއްގައި ދަނޑުވެރިކަމަށް ބޭނުންވާ ބައެއް ކަހަލަ އިރިގޭޝަން ސިސްޓަމް ސޯލާ ހަކަތައިގެ އެހީގައި ކުރިއަށްގެންދިއުމާއި 4 ރަށެއްގައި ސޯލާ އައިސް ޕްލާންޓް ބެހެއްޓުމުގެ އަމަލީ މަސައްކަތްވެސް މިނިސްޓްރީން ކުރަމުންދާ ކަމަށް މިނިސްޓަރ ޠާރިޤު މައުލޫމާތު ދެއްވި އެވެ.
މިނިސްޓަރ ޠާރިޤު އިބްރާހީމް މިނިސްޓްރީ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ
