މިދިޔަ ސަރުކާރުން 5 އަހަރުގެ ދައުލަތެއް ދަރުވާލައި، ގެއްލުވާލި ވަގުތުތަށް އެ އަނބުރާ ހޯދުމުގެ ބަދަލުގައި ގައުމު ހިންގަން އެހެން ގޮތްތަކެއް ހޯދަންޖެހޭ ކަމަށް މަޖިލީހުގެ އިހަވަންދޫ ދާއިރާގެ މެންބަރު އަހުމަދު ނަސީރު ވިދާޅުވެއްޖެ އެވެ.
ނަސީރު މިހެން ވިދާޅުވީ، މަޖިލީހުގެ މިއަދުގެ ޖަލްސާގައި 2025 ވަނަ އަހަރުގެ ދައުލަތުގެ ބަޖެޓަށް ބަހުސް ކުރަށްވަމުންނެވެ.
ނަސީރު ވިދާޅުވީ، މީ ވަރަށް ބޮޑަށް ކަންބޮޑުވާންޖެހޭ ކަމެއް ކަމަށާއި، މި ދައްކަނީކީ އާދައިގެ ވާހަކަތަކެއް ނޫން ކަމަށެވެ. އަދި މީ ދިވެހި ރާއްޖެ މިއޮތް ވަޅުގަނޑުން ނެގުމަށްޓަކައި ރައްޔިތުންނަސް ކޮށްދޭ މަސައްކަތް ސާބިތުވެގެންދާނީ މި 5 އަހަރު ވެފައިއޮތް ވައުދު ފުއްދައިގެން ކަމަށެވެ.
”ބަޔަކުމީހުން މަސައްކަތެއް ކޮށްފައި އޮވެއްޖެއްޔާ އެކަން ސާބިތުނުކޮށްދީ އެބޭފުޅުން ކޮށްދިން މަސައްކަތަކީ ދިވެހި ރާއްޖެއައް މުހިންމު މަސައްކަތެއް ނޫންކަމަށް ސާބިތު ނުކޮށްދީ އަޅުގަނޑުމެން ކިހިނެއްތޯ މިއޮތް 4 އަހަރު ރައްޔިތުންނަށް ވިސްނަދޭނީ އަޅުގަނޑުމެން މިކުރަނީ ބާރު ދުވެލީގެ މަސައްކަތެއްކަން.“
ދިވެހި ރާއްޖޭގެ އެކިއެކި ކަންކޮޅުތަކަށް ދަތުރުކޮށް ރައްޔިތުންގެ އިހުސާސްތަކާއި ރައްޔިތުންގެ ވިންދާއި އެއްގޮތަށް މިގައުމު ހިންގަން މަސައްކަތް ކުރާތަން ރައްޔިތުންނަށް ބުނެދޭން ޖެހޭ ކަމަށްވެސް ނަސީރު ވިދާޅުވި އެވެ.
ނަސީރު އިތުރަށް ވިދާޅުވީ، ދިވެހި ރާއްޖޭގެ ރައްޔިތުން ބޭނުންވަނީ ވަރަށް ގިނަ އުންމީދު ތަކެއް ކަމަށާއި، ރައްޔިތުން ބޭނުންވަނީ ފަސޭހަ ދިރިއުޅުން ބޯހިޔާވަހިކަން އަދި މިނޫންވެސް ގިނަ މަސައްކަތްތަކެއް މި ބަޖެޓު ތެރޭގައި ކުރިޔަށް ގެނދަން ކަމަށެވެ.
ރައްޔިތުންގެ މަޖިލިސް އިހަވަންދޫ ދާއިރާގެ މެންބަރު އަހުމަދު ނަސީރު
