ފަހި ދިރިއުޅުން ކޯޕަރޭޝަން (އެފްޑީސީ)ގައި ދައުލަތުގެ ހިއްސާގެ ގޮތުގައި ފިނޭންސް މިނިސްޓްރީގެ ނަމުގައި އޮތް އެއް ބިލިއަނަށް ވުރެ ގިނަ ރުފިޔާގެ ބަދަލުގައި 19 ބިން މިލްކުކޮށްދީފިއެވެ.

މި މައްސަލައާ ގުޅިގެން އިއްޔެ ސިވިލް ކޯޓުން ވަނީ ނިންމުމެއް ނެރެފަ އެވެ.

ސަރުކާރުގެ 100 ޕަސެންޓް ހިއްސާ އޮންނަ އެފްޑީސީއަކީ މިހާރު 200 މިލިއަންގެ ހިއްސާ އޮންނަ ކުންފުންޏެކެވެ. އެ ހިއްސާގެ އަގަށްވާ ދެ ބިލިއަން ރުފިޔާގެ ތެރެއިން މިހާތަނަށް ސަރުކާރުން އެފްޑީސީއަށް ނުދީ އޮތީ 107 މިލިއަން ހިއްސާ އަށް ވާ ފައިސާ އެވެ. މި ހިއްސާގެ އަގުގެ ގޮތުގައި ފިނޭންސް މިނިސްޓްރީން ވަނީ އެ މިނިސްޓްރީގެ މިލްކުވެރިކަމުގައި އޮތް 19 ބިމެއް އެކުންފުންޏަށް މިލްކުކޮށްދީފަ އެވެ.

މި ބިންތަކުގެ އަގުގެ ގޮތުގައި ދެ ފަރާތުން އެއްބަސްވެފައި ވަނީ 1.3 ބިލިއަން ރުފިޔާ އެވެ.

ސިވިލް ކޯޓުގެ ނިންމުމުގައި ބުނެފައިވަނީ، ބަންޑާރަ ގޯތި އަމިއްލަކުރުމަށް ސަރުކާރަށް ދައްކަންޖެހޭ އަގު ފައިސާއިން ދެއްކުން ފިޔަވައި، އެހެން އެއްވެސް ކަމެއްގައި، ވިއްކުމުގެ އަގު އަދާކުރަން ޖެހޭނީ ފައިސާއިން ކަމަށް ދިރިއުޅުމަށް ދޫކޮށްފައިވާ ބަންޑާރަ ގޯތި އަމިއްލަ ކުރުމާއި ގަނެ ވިއްކުމާ ބެހޭ ގަވާއިދުގައި ބަޔާންކޮށްފައި ނުވާ ކަމަށެވެ.

މިނިސްޓްރީ އޮފް ފިނޭންސް ފަހި ދިރިއުޅުން ކޯޕަރޭޝަން