ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ އެޑްވައިޒަރެއްގެ ގޮތުގައި ހުންނެވި، މުހައްމަދު ހަލީލް އިކޮނޮމިކް ކައުންސިލަށް އައްޔަނުކުރައްވައިފި އެވެ.
ހަލީލް މިހާތަނަށް ހުންނެވީ ރައީސުލްޖުމްހޫރިއްޔާގެ އެޑްވައިޒަރ ޓު ދަ ޕްރެޒިޑެންޓް އޮން ޓޫރިޒަމް ޑިވެލޮޕްމަންޓްގެ މަގާމުގަ އެވެ.
ހަލީލް އިކޮނޮމިކް ކައުންސިލަށް ބަދަލުކުރައްވާފައި ވަނީ، އޭނާގެ މަސްލަހަތު އޮންނަ ކުންފުންޏަކުން ސަރުކާރުގެ ޑޮލަރު މާރުކުރުމުގެ ސިޔާސަތާ ނުރުހޭކަން ހާމަކޮށްފައިވަނިކޮށެވެ.
ހަލީލަކީ ކުޑަހުވަދޫ އެއާޕޯޓް ހިންގާ ކުންފުނީގެ އިތުރުން މަންތާއެއާ އަދި ޓޫރިޒަމް ވިޔަފާރީގައި ހަރަކާތްތެރިވާ ބޭފުޅެކެވެ. އޭނާ ވަނީ ދިވެހި ޓްރެވަލް އެޖެންޓުންގެ ޖަމިއްޔާ، މަޓާޓޯގެ ރައީސްކަންވެސް ކުރައްވާފަ އެވެ.
