މޯލްޑިވްސް ބްރޯޑްކާސްޓިން ކޮމިޝަންގެ މެންބަރު ކަމަށް ކުރިމަތިލުމަށް ހުޅުވާލައިފި އެވެ.
ރައީސް އޮފީހުން މިއަދު ކުރި އިއުލާނެއްގައި ބުނެފައިވަނީ ކޮމިޝަންގެ ހަތް މެންބަރުންގެ ތެރެއިން ދެ މެންބަރުންގެ ދައުރު ހަމަވާން ކައިރިވެފައިވާ ކަމަށެވެ. އެގޮތުން މިހާރު އެ ދެ މަގާމަށް ފޯމު ބަލައިގަންނަމުން އަންނަ ކަމަށް ވެސް ބުނެފައިވެ އެވެ.
ފޯމު ހުށަހެޅުމުގެ ސުންގަޑި ވަނީ އަންނަ ހަފްތާގެ އަންގާރަ ދުވަހުގެ ނިޔަލަށް ކަނޑައަޅާފަ އެވެ.
އާންމުކޮށް މިނިވަން މުއައްސަސާއަކަށް މެންބަރަކު ހޯދަން ބޭނުންނަމަ ހަފްތާތަކެއް ކުރިން އިއުލާން ކުރި ނަމަވެސް މިހާރު ތިބި މެންބަރުންގެ ދައުރު މިފަހަރު ނިމުމާ ގާތްވެއްޖެ އެވެ.
މިއީ މޯލްޑިވްސް މީޑިއާ ކައުންސިލާއި ބްރޯޑްކާސްޓިން ކޮމިޝަން އެއްކޮށްލުމަށް މަސައްކަތްކުރާ މިނިވަން މެންބަރަކު މަޖިލީހަށް ހުށަހެޅި މީޑިއާ އެންޑް ބްރޯޑްކާސްޓިންއާއި ގުޅުންހުރި ބިލެއް ހުށަހަޅާފައިވާ ދަނޑިވަޅުގައި ކުރި އިއުލާނެކެވެ.
މި ބިލާ މެދު ބައެއް މީޑިއާތަކާއި އެންޖީއޯތަކުން ވަނީ ޝައްކު ފާޅުކޮށް، މި ބިލަކީ ނޫސްވެރިކަމުގެ މިނިވަންކަން ހުއްޓުވުމަށް ކުރިއަށް ގެންދާ ބިލެއް ކަމަށް ބުނެފަ އެވެ.
ރޭ ރައީސް ޑރ. މުހައްމަދު މުއިއްޒު ވަނީ ސަރުކާރު ހިންގާ ޕީޕަލްސް ނޭޝަނަލް ކޮންގްރެސްގެ ސުޕަ މެޖޯރިޓީ އޮންނަ މަޖިލީހުން އެ ބިލަށް ދެކޮޅު ހަދާނެ ކަމުގެ ޔަގީންކަން ދެއްވާފަ އެވެ.
މީޑިއާ ކައުންސިލްގެ ބައެއް މެންބަރުންގެ ދައުރު ޑިސެމްބަރު 14 އަށް ނިމޭއިރު، މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސް އިން މީގެ ކުރިން މި މަގާމުތަކަށް މެންބަރުން އިންތިހާބު ކުރަން ފެށި ނަމަވެސް އޭގެ ފަހުން އެ މަސައްކަތްތައް ވަނީ ހުއްޓިފަ އެވެ.
ރައީސް އޮފީސް މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް)
