އެއް އަހަރު ތެރޭ ގަވައިދާ ހިލާފަށް ރާއްޖޭގައި އުޅުނު 5،000 ބިދޭސީން ޑީޕޯޓުކޮށްލާފައިވާކަމަށް ކޮންޓްރޯލާ ޖެނެރަލް އޮފް އިމިގްރޭޝަން މުހައްމަދު ޝަމްއާން ވަހީދު ވިދާޅުވެއްޖެ އެވެ.
ޝަމްއާން މިހެން ވިދާޅުވީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ސަރުކާރަށް 1 އަހަރު ފުރުމުގެ މުނާސަބަތުގައި އެކްސްގައި ކުރެއްވި ޕޯސްޓެއްގަ އެވެ.
ޝަމްއާން ވިދާޅުވީ ނޮވެމްބަރ 2023 އިން ފެށިގެން ފާއިތުވެދިޔަ 1 އަހަރު ތެރޭ، ގަވާއިދާ ހިލާފަށް އުޅުނު 5،000 ބިދޭސީން ޑީޕޯޓުކޮށްލުމުގެ ޓާގެޓް ހާސިލު ކުރެވިފައިވާ ކަމަށެވެ. އަދި މިއީ އިމިގްރޭޝަންގެ ތާރީހުގައިެވސް ރެކޯޑު އަދަދެއްކަމަށް ޝަމްއާން ވިދާޅުވި އެވެ.
17 ނޮވެމްބަރ 2023 އިން ފެށިގެން ފާއިތުވެދިޔަ 1 އަހަރު ތެރޭ ޤަވާއިދާ ޚިލާފަށް އުޅޭ 5000 ބިދޭސީން ފުރުވާލާ ޓާރގެޓް ވަނީ ހާސިލް ކުރެވިފަ. މިއީ އިމިގްރޭޝަން ތާރީހުގައި ވެސް ރެކޯރޑް އަދަދެއް.
ޝަމްއާން އެކްސްގައި ކުރެއްވި އިތުރު ޕޯސްޓެއްގައި ވަނީ ރައީސް މުއިއްޒު ވައުދުވެ ވަޑައިގެން ގޮތަށް ރާއްޖޭގައި ގަވައިދާ ހިލާފަށް އުޅޭ ބިދޭސީންގެ މައްސަލަ ހައްލު ކުރުމަށް ފާއިތުވެދިޔަ އަހަރަކީ ކާމިޔާބު މަސައްކަތްތަކެއް ކުރެވުނު އަހަރެއްކަމަށް ވިދާޅުވެފަ އެވެ. އަދި ރައީސްގެ ވައުދުފުޅާ އެއްގޮތަށް، މިހާރު ރާއްޖޭގައި ބޮޑުވެފައިވާ ގަވައިދާ ހިލާފަށް އުޅޭ ބިދޭސީންގެ މައްސަލައަށް ހައްލު ހޯދުމަށް އިމިގްރޭޝަންގެ ހުރިހާ އޮފިސަރުން އެއް އަޒުމެއްގައި މަސައްކަތް ކުރާނެ ކަމުގެ ޔަގީންކަން ޝަމްއާން ވަނީ ދެއްވާފަ އެވެ.
އިމިގްރޭޝަންގެ މި މަސައްކަތަށް އެހީތެރިން ފޯރުކޮށްދިން ހުރިހާ ފަރާތްތަކަށް ޝަމްއާން ވަނީ ޝުކުރު އަދާ ކުރައްވާފަ އެވެ. އެގޮތުން ފުލުހުންނާއި ހޯމް މިނިސްޓްރީގެ ނަން ޝަމްއާން ވަނީ ހާއްސަކޮށް ފާހަގަ ކުރައްވާފަ އެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު ބިދޭސީން ބިދޭސީންގެ މައްސަލަ އިމިގްރޭޝަން ކޮންޓްރޯލާ މުހައްމަދު ޝަމްއާން ވަހީދު ދިވެހިންގެރާއްޖެ365
