ޕްރޮޓީން ސަޕްލިމެންޓް ދަޅެއްގައި ފޮރުވާފައި ހުރި 3ކިލޯގެ މަސްތުވާތަކެތީގެ މައްސަލައެއްގައި ބެންކޮކުން ދިވެއްސަކު ހައްޔަރުކޮށްފި އެވެ.
ބެންކޮކްގެ ނޫސްތަކުން ރިޕޯޓް ކޮށްފައިވާ ގޮތުގައި، އެ މީހާ ހައްޔަރުކުރީ އިނގިރޭސިވިލާތުން ފޮނުވި ޕެކޭޖެއްގައި ހުރި މެފެޑްރޮން ޕެކޭޖު ކޫރިއާ ފެސިލިޓީއަކުން ނަގަން އުޅެނިކޮށް ކަމަށެވެ.
އެހެންނަމަވެސް، ބެންކޮކުން ހައްޔަރުކުރި ދިވެހިއްސަކީ ކޮން ނަމެއް ކިޔާ މީހެއް ކަމެއް ހާމަ ކޮށްފައެއް ނުވެ އެވެ.
މިކަމާއި ގުޅިގެން އޯއެންސީބީން ބުނީ، ނަން ހާމަ ނުކުރީ ނެޓްވޯކާ ގުޅުން ހުރި އެހެން މީހުން ދެނެގަތުމުގެ ތަހުގީގު އަދިވެސް ކުރިއަށްދާތީ ކަމަށެވެ.
އެގޮތުން، ތައިލެންޑުގެ ފުލުހުން ވަނީ އެމްޑީއެމްއޭ، އެކްސްޓަސީ، ކޮކެއިން، ކެޓަމިން އަދި ޝައްކުކުރެވޭ އެހެން ބައެއް ތަކެތި ވެސް ތަހުގީގުގައި ހޯދައިފަ އެވެ. އޭގެ ތެރޭގައި، އަލަށް ފެންނަމުން އަންނަ ޑްރަގްގެ ބާވަތްތައް ވެސް ފެނިފައިވާ ކަމަށެވެ.
