އިންޑިއާއަށް ގޮސް އުޅުނު ދިވެއްސަކު މަރުވެފައިއޮއްވާ ފެނިފައިވާ ކަމަށް އިންޑިއާގެ ނޫސްތަކުން ރިޕޯޓްކޮށްފި އެވެ.
މަރުވެފައި އޮށްވައި ފެނިފައިވަނީ، އުމުރުން 43 އަހަރުގެ ހަސަން ސުހައިލް ނަމަކަށްކިޔާ މީހެއް ކަމަށާއި، އޭނާ މަރުވެފައި އޮއްވާ ފެނުނީ ބެންގަލޫރުގެ އާރްޓީ ނަގަރުގެ ކުއްޔަށް ދޫކުރާ ތަނެއްގެ ކޮޓަރި ތެރެއިން ކަމަށެވެ.
މި މަހުގެ 10 ވަނަ ދުވަހު ބެންގަލޫރަށްދިޔަ ސުހެއިލް އެންމެ ފަހުން އޭނާ ހުރި ކޮޓަރިން ނިކުތީ މިދިޔަ އަންގާރަ ދުވަހު ކަމަށާއި، ހަބަރެއްނުވާތީ ޕޮލިހަށް ރިޕޯޓްކުރުމުން ޕޮލިހުން ގޮސް ބެލިއިރު ސުހެއިލް އޮތީ އެ ކޮޓަރީގެ ތަޅުމުގައި މަރުވެފައި ކަމަށެވެ.
ސުހައިލް މަރުވެފައިއޮއްވާ ފެނުނުއިރު ގިނަ އަދަދަކަށް ހޮޑުލެވިފައިވާ ކަމަށާއި މިހާރު ސުހެއިލްގެ ހަށިގަނޑު މޯޗަރީއަކަށް ގެންގޮސްފައިވާ ކަމަށާއި، ޕޯސްޓްމޯޓަމް ހެދުމުގެ ކަންތައް ކުރިއަށްގެންދަން މަޑުކުރަނީ އާއިލާގެ ފަރާތުން އިންޑިއާއަށް ގޮސް ހުއްދަ ދިނުމުން ކަމަށްވެސް ރިޕޯޓްކޮށްފައިވެ އެވެ.
އިންޑިއާ ފުލުހުން މިވަގުތަށް ސުހައިލްގެ މަރާއިމެދު ވަކި ގޮތަކަށް ނިންމާފައެއް ނުވެ އެވެ. ނަމަވެސް ހާޓް އެޓޭކެއް ޖެހުނީ ކަމުގައި ބެލުމުގެ ފުރުސަތު އޮތްކަމަށްވެސް އިންޑިއާގެ ފުލުހުންނާއި ހަވާލާދީ ރިޕޯޓްކޮށްފައިވެ އެވެ.
