ރާއްޖޭގެ ޑެސްޓިނޭޝަން މާކެޓިން ބަޖެޓު ބޮޑު ކުރަން މަރުކަޒީ ބޭންކުގެ ގަވަރުނަރު އަހުމަދު މުނައްވަރު ލަފާ ދެއްވައިފި އެވެ.
ގަވަރުނަރު ވިދާޅުވީ، ވެލާނާ އިންޓަނޭޝަނަލް އެއާޕޯޓް ތަރައްގީ ވެގެން ދިއުމާއެކު ޓޫރިޒަމް ފުޅާ ވެގެންދާނެ ކަމަށް އަންދާޒާ ކުރެވޭ ކަމަށެވެ.
ޑެސްޓިނޭޝަން މާކެޓިން ބަޖެޓު ބޮޑު ކުރުމަކީ އިންޑަސްޓްރީގެ ބޭފުޅުން ވެސް ވަރަށް ބޮޑު އެދުމެއް ކަމަށްވެސް ގަވަރުނަރު ވަނީ ވިދާޅުވެފަ އެވެ.
މީގެކުރިން ޓޫރިޒަމް މިނިސްޓަރު އިބްރާހިމް ފައިސަލް ވިދާޅުވެފައި ވަނީ، ރާއްޖޭގައި އާއްމުކޮށް މާކެޓިން އަށް ދެނީ 9 މިލިއަން ޑޮލަރުގެ މާކެޓިން ބަޖެޓެއް ކަމަށާއި، ނަމަވެސް އަންނަ އަހަރު މާކެޓިން ބަޖެޓު އިތުރު ކުރާނެ ކަމަށެވެ.
މިނިސްޓަރ ވިދާޅުވީ، އަންނަ އަހަރުވެސް އާ ގިނަ ރިސޯޓްތަކެއް މާކެޓަށް ނުކުންނާނެ ކަމަށެވެ.
