ހުސްވި އޮކްޓޯބަރު މަހު އެންމެ ގިނައީ އަރިދަފުސް ރޯގާ އާއި ވައިރަލް ހުން ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) ގެ ތަފާސްހިސާބުތަކުން ދައްކައިފި އެވެ.
އެ ތަފާސްހިސާބުތަކުން ދައްކާ ގޮތުގައި މިދިޔަ މަހުގައި އަރިދަފުސް ރޯގާ ޖެހުނީ 294،60 މީހަކަށެވެ. އެއީ ސެޕްޓެމްބަރު މަހާއި އަޅާ ބަލާއިރު އިތުރު އަދަދެކެވެ. ސެޕްޓެމްބަރު މަހު އަރިދަފުސް ރޯގާ ޖެހިގެން ރިޕޯޓްކޮށްފައިވަނީ 28،440 މީހުނެވެ.
އެގޮތުން، މިދިޔަ މަހު ވައިރަލް ހުން 8،517 މީހަކަށް ޖެހިފައިވެ އެވެ. މި އަހަރު އެންމެ ގިނައިން މީހުނަށް ވައިރަލް ހުން ޖެހިފައިވަނީ ޖޫން މަހުގަ އެވެ. އެ މަހު 17،340 މީހަކު ހުން ޖެހިފައިވެ އެވެ.
އެޗްޕީއޭގެ ތަފާސްހިސާބުތަކުން ދައްކާ ގޮތުގައި މިދިޔަ މަހު ޑެންގީހުން އިތުރުވީ ހދ، ށ، ބ، ކ، އއ އަދި ލ އަތޮޅުގަ އެވެ. ވައިރަލް ހުން އިތުރުވިކަމަށް ރިޕޯޓްކޮށްފައި ވަނީ މާލެ ސަރަހައްދުގެ އިތުރުން ބ، އއ، އދ އަދި ގއ އަތޮޅުގަ އެވެ.
މީގެ އިތުރުން، މިދިޔަ މަހު ވައިރަލް ހުން 8،517 މީހަކަށް ޖެހިފައިވެ އެވެ. މި އަހަރު އެންމެ ގިނައިން މީހުނަށް ވައިރަލް ހުން ޖެހުނީ ޖޫން މަހުގަ އެވެ. އެ މަހު 17،340 މީހަކު ހުން ޖެހިފައިވެ އެވެ.
ދެން އެންމެ ގިނައިން ޖެހުނީ ޑެންގީ ހުމެވެ. އެ މަހުގައި ޑެންގީ ހުން ޖެހިފައިވަނީ 120 މީހަކަށެވެ. އަދި ސެޕްޓެމްބަރު މަހު ޑެންގީ ހުން ޖެހުނީ 175 މީހަކަށެވެ.
