މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްގީކުރުމާއި ބެހޭ ވުޒާރާ އިން އިންތިޒާމްކޮށްގެން ކުރިއަށްގެންދިޔުމަށް ހަމަޖެހިފައިވާ “ ދާލަން: ނެޝަނަލް ސްކިލްސް އެންޑް ކެރިއަރ އެކްސްޕޯ 2024 “ ގެ ލަކީ ޑްރޯގެ ދަށުން އަގުހުރި އެތަށް އިނާމެއް ހާސިލުކުރުމުގެ ފުރުސަތު ހުޅުވާލައިފި އެވެ.

މަތީ ތައުލީމާ ބެހޭ ވުޒާރާއިން ބުނީ މި ނޮވެންބަރ މަހުގެ 15 އަދި 16 ވަނަ ދުވަހުގެ 16:00 އިން ފެށިގެން ހުޅުމާލެ ސެންޓްރަލް ޕާރކްގައި ބޭއްވުމަށް ހަމަޖެހިފައިވާ މި އެކްސްޕޯގައި، ގުރުއަތުން ހޮވޭ ނަސީބުވެރިންނަށް އިނާމު ހަވާލުކުރުމަށް ހަމަޖެހިފައިވަނީ ދެ ދުވަހަކަށް ބަހައިލައިގެން ކަމަށެވެ.

ދާލަން ލަކީ ޑްރޯގެ އިނާމުތައް

• 6 ފަރާތަކަށް ދިރާގުގެ މައި-ފައި ޑިވައިސްގެ 3 މަހުގެ ޕެކޭޖް

• ސީގަލް މޯލްޑިވްސްގެ ފަރާތުން ސީ ސްޕޯޓްސްގެ ގިފްޓް ވައުޗަރ

• ވޮޔޭޖެސް މޯލްޑިވިސްގެ ފަރާތުން ސީގަލް ކެފޭގެ ގިފްޓް ވައުޗަރ

• ޔޫރޯ މާކެޓިންގގެ ފަރާތުން 2 ފަރާތަކަށް ގިފްޓް ހެމްޕަރ

• މިނީސޯގެ ފަރާތުން 3 ފަރާތަކަށް ގިފްޓް ވައުޗަރ

• ބޮޑީ ޓެކް ޖިމްގެ ފަރާތުން 2 ފަރާތަކަށް 3 މަހުގެ މެމްބަރޝިޕް

• ވޯޓަރ ސައިޑްގެ ފަރާތުން މީލް ވައުޗަރެއް

• ކަސަބް އާރޓްސްގެ ފަރާތުން ބޭސިކް ކަސަބު ކްލާސް ގިޕްޓް ވައުޗަރ

• ކްލޭ ސްޓޫޑިއޯގެ ފަރާތުން ހޭންޑް ވީލް ގިފްޓް ވައުޗަރ

• މަރްކީގެ ފަރާތުން ނައިކީ ޑަންކް ޝޫޒްގެ ގިފްޓް ވައުޗަރ

• ކްލޭ ސްޓޫޑިއޯގެ ފަރާތުން ޓޭސްޓަރ ވީލް ގިފްޓް ވައުޗަރ

• ވީ މާކެޓިންގގެ ފަރާތުން ފޮޓޯގްރަފީ ސެޝަންގެ ގިފްޓް ވައުޗަރއެއް

• ކައިމޫ ޓްރެވަލްސް އެންޑް ހޮޓެލްސް ސަރވިސެސްގެ ފަރާތުން އެނބޫދޫ ވިލެޖްގައި ދެ ފަރާތަކަށް އެއްދުވަހު ހުރުމުގެ ފުރުސަތު

”ދާލަން: ނެޝަނަލް ސްކިލްސް އެންޑް ކެރިއަރ އެކްސްޕޯ 2024“ ގެ ސްޕޮންސަރުންގެ ގޮތުގައި، ސީގަލް ގުރޫޕާއި ވޮޔޭޖެސް މޯލްޑިވިސް ހިމެނޭއިރު، މި އެކްސްޕޯގެ ޕާރޓްނަރުންނަކީ ދިރާގު، ޕީއެސްއެމް، ޕެންޝަން އޮފީސް، ބޭންކް އޮފް މޯލްޑިވިސް، އެޗްޑީސީ، ވެމްކޯ، ސްޓެލްކޯ އަދި ކެފޭ ޑެލިޒިއޯސޯ އެވެ.

މީގެ އިތުރުން، މި އެކްސްޕޯ ފަންޑުކޮއްދެނީ މިނިސްޓްރީ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓްގެ ދަށުން ވޯލްޑް ބޭންކުން ހަރަދުކޮށްގެން ހިންގާ ސަސްޓެއިނަބަލް އެންޑް އިންޓެގްރޭޓެޑް ލޭބަރ ސަރވިސެސް (ސެއިލްސް) ޕްރޮޖެކްޓް އަދި މޯލްޑިވިސް: އެންހޭންސިންގ އެމްޕްލޮޔަބިލިޓީ އެންޑް ރެޒިލިއެންސް އޮފް ޔޫތް (މީރީ) ޕްރޮޖެކްޓެވެ.

މި އެކްސްޕޯގައި ޖުމްލަ 41 ސްޓޯލް ހުންނާނެ އެވެ. މި ސްޓޯލްތަކުގައި، މިނިސްޓްރީގެ ދަށުން މަސައްކަތްކުރަމުންދާ އިދާރާތަކުގެ އިތުރުން ސަރުކާރުގެ އެހެނިހެން އިދާރާތަކާއި އަމިއްލަ ވިޔާފާރިތަކުން ތަފާތު އެކި ހަރަކާތްތަށް ކުރިއަށްގެންދިޔުމަށް ދަނީ ތައްޔާރުވަމުން ނެވެ.

މިނިސްޓްރީ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް