ކުރީގެ ރައީސް އިބްރާހިމް މުހައްމަދު ސޯލިހު، ލާމަރުކަޒީ ނިޒާމާ ގުޅިގެން ދެއްކެވި ވާހަކަފުޅަކަށް ހޯމް މިނިސްޓަރު އަލީ އިހުސާން ރައްދުދެއްވައިފި އެވެ.
މިނިސްޓަރު އިހުސާން މިހެން ވިދާޅުވީ ދައުލަތުގެ މީޑިއާއިން ގެނެސްދިން ހަފްތާ 52 ޕްރޮގްރާމުގައި ވާހަކަ ދައްކަވަމުން ނެވެ.
އަންގާރަ ދުވަހުގެ ރޭ އެމްޑީޕީން ބޭއްވި ޖަލްސާގައި ކުރީގެ ރައީސް ސޯލިހު ވަނީ މި ސަރުކާރުން ލާމަރުކަޒީ ނިޒާމު ފުނޑާލާފައިވާކަމަށް ވިދާޅުވެފަ އެވެ. އެ ވާހަކައަށް އިހުސާން ވަނީ ރޭގެ ޕްރޮގްރާމުގައި ރައްދު ދެއްވާފަ އެވެ.
ކުރީގެ ރައީސް، ރައީސް ސޯލިހުވެސް ވިދާޅުވެފަ މި އޮންނަނީ ލާމަރުކަޒީ މުޅި ނިޒާމު ފުނޑާލައިފިއޭ މި ސަރުކާރުން. އަޅުގަނޑުމެންގެ ދާއިރާއިން އައިޑީކާޑުގެ ހިދުމަތާއި ޕާސްޕޯޓުގެ ހިދުމަތް ދެމުން މި އަންނަނީ. މި ވުޒާރާގެ ބެލުމުގެ ދަށުގަ ހުރި އިދާރާތަކުން. ރައީސް ޑރ. މުއިއްޒުގެ ވައުދުފުޅަކީ ރައީސްގެ މި ދައުރު ނިމުމުގެ ކުރިން މުޅި ރާއްޖޭގެ ހުރިހާ އަތޮޅެއްގަ އައިޑީކާޑު ޕްރިންޓްކޮށް ޕާސްޕޯޓް އިޝޫ ކުރެވޭނެ ހިދުމަތް ގާއިމު ކުރުން. މީ އަސްލު ލާމަރުކަޒީ ހިދުމަތް ދިނުމަކީ.
މިހާރު ވަނީ ދ. ކުޑަހުވަދޫ، ގއ. ވިލިނގިލިން ޕާސްޕޯޓް އިޝޫކޮށް އައިޑީކާޑު އިޝޫ ކުރެވޭނެ އިންތިޒާމު ހަމަޖައްސާފައި ކަމަށާއި ކުރިއަށް އޮތް ދެ ދުވަހެއްހާ ދުވަސް ތެރޭގައި ހދ. ކުޅުދުއްފުށިންވެސް އެ ހިދުމަތް ލިބިގެން ދާނެކަމަށް މިނިސްޓަރު ވިދާޅުވި އެވެ.
މިނިސްޓަރު އިހުސާން ވިދާޅުވީި އަންނަ އަހަރު ނިމުމުގެ ކުރިން މި ހިދުމަތް ރާއްޖޭގެ ހުރިހާ އަތޮޅެއްގައި ގާއިމު ކުރެވިގެންދާނެކަމަށް އިހުސާން ވިދާޅުވި އެވެ.
މިއީ ދެއްތޯ އަސްލު ލާމަރުކަޒީ ނިޒާމު ހިންގުމަކީ. މިއީ ރައްޔިތުންގެ ގާތަށް ހިދުމަތްތައް ފޮނުވުމަކީ.
ހޯމް މިނިސްޓްރީގެ އަމާޒަކީ މި ފަދަ ބޮޑެތި މައްސަލަތައް ހައްލުކޮށް ރައްޔިތުންނާ ގާތުން ރައީސް މުއިއްޒު އެދިވަޑައިގަންނަވާ ގޮތަށް މަސައްކަތްތައް ބައްޓަން ކުރުންކަމަށް އިހުސާން ވިދާޅުވި އެވެ.
ހޯމް މިނިސްޓަރު އަލީ އިހުސާން ރައީސް އިބްރާހިމް މުހައްމަދު ސޯލިހު ލާމަރުކަޒީ ނިޒާމް
