މިދިޔަ ސަރުކާރުން ޓީޗަރުންނާއި ޕްރިންސިޕަލުންނަށް އަނިޔާވެރިވެފައިވާ ކަމަށް އެޑިއުކޭޝަން މިނިސްޓަރ ޑރ. އިސްމާއީލް ޝަފީއު ވިދާޅުވެއްޖެ އެވެ.
މިނިސްޓަރ މިހެން ވިދާޅުވީ ސަރުކާރުގެ މީޑިއާތަކުން ގެނެސްދީފައިވާ ޕްރޮގްރާމެއްގައި ވާހަކަދައްކަވަމުން ނެވެ.
މިނިސްޓަރ ޝަފީއު ވިދާޅުވިގޮތުގައި ތައުލީމީ ދާއިރާއަށް ދިމާވި އެންމެބޮޑު ގޮންޖެހުމަކީ މިދިޔަ ސަރުކާރުން ޕްރިންސިޕަލުންނަށާއި ޓީޗަރުންނަށް އަނިޔާވެރިވެފައިވުމެވެ. އޭނާ ވިދާޅުވީ 40 އަށް ވުރެ ގިނަ ޕްރިންސިޕަލުން އެބޭފުޅުން މަސައްކަތް ކުރާ ތަން ނޫން އެހެން ތަންތަނަށް މިދިޔަ ސަރުކާރުން ފޮނުވާފައިވާ ކަމަށެވެ.
”އަނބިދަރިންނާއި ދުރުގައި މަސައްކަތް ކުރަން ޖެހުނު. ސްކޫލުގައި ހުރިކަމުގައިވިޔަސްމެ، އެ މަގާމު އެގޮތަށް ބަހައްޓާފަ، އެހެން ރަށެއްގައި މަސައްކަތް ކުރަން މަޖުބޫރުވެފައިވުން،“ މިނިސްޓަރ ވިދާޅުވި އެވެ.
މީގެ އިތުރުން، މިނިސްޓަރ ޝަފީއު ވިދާޅުވިގޮތުގައި އެޑިއުކޭޝަން މިނިސްޓްރީއަށް ލިބިފައިވާ މައުލޫމާތަށް ބަލާއިރު 300 އެއްހާ ގިނަ މުދައްރިސުންނަށް ހެއްކެއް ގަރީނާއެއް ސާބިތުކަމެއްނެތި އިންޒާރުދެވިފައިވެ އެވެ. އޭނާ ތުހުމަތުކުރެއްވީ ނިމިދިޔަ ސަރުކާރުގައި މުދައްރިސުންނަށް ބިރުދައްކާފައިވާ ކަމަށެވެ.
މިނިސްޓަރ ޝަފީއު އިތުރަށް ވިދާޅުވީ ރައީސް ޑރ. މުހައްމަދު މުއިއްޒުގެ އިރުޝާދުގެ ދަށުން މުވައްޒަފުންނަށް އަދުލު އިންސާފު ގާއިމުކުރުމުގެ މަސައްކަތް މިނިސްޓްރީން ކުރި ކަމަށެވެ. އަދި އެ 40 ޕްރިންސިޕަލުން އަލުން އެ ފަރާތްތައް ދިރިއުޅެމުންދިޔަ ރަށްރަށަށް ބަދަލުކޮށްފައިވާ ކަމަށްވެސް އޭނާ މައުލޫމާތު ދެއްވި އެވެ.
އެޑިއުކޭޝަން މިނިސްޓަރު ޑރ. އިސްމާއިލް ޝަފީއު އެޑިއުކޭޝަން މިނިސްޓްރީ
