މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާއި ބެހޭ ވުޒާރާ އިން، އެޑިޔުކޭޝަން މެލޭޝިޔާ ގްލޯބަލް ސަރވިސެސްގެ އެއްބާރުލުމާއެކު، 5 ދާއިރާއަކުން ސްކޮލަރޝިޕް ހާޞިލުކުރުމުގެ ފުރުޞަތު ހުޅުވާލައިފި އެވެ.
މަތީ ތައުލީމާއި ބެހޭ ވުޒާރާއިން ބުނީ މި ސްކޮލަރޝިޕަކީ ”ދާލަން : ނޭޝަނަލް ސްކިލްސް އެންޑް ކެރިއަރ އެކްސްޕޯ 2024“ ގައި ބާއްވާ ލަކީ ޑްރޯ މެދުވެރިކޮށް ޙަވާލުކުރެވޭ ސްކޮލަރޝިޕެއް ކަމަށެވެ.
ލަކީ ޑްރޯގެ ދަށުން މެލޭޝިޔާގެ ޒިއަމެން ޔުނިވާސިޓީގައި ކިޔެވުމުގެ ފުރުސަތު ދޭ ކޯސްތައް:
- ބެޗްލަރސް އިން ޖަރނަލިޒަމް
- ބެޗްލަރސް އިން އަރޓިފިޝަލް އިންޓެލިޖެންސް
- ބެޗްލަރސް އިން މެރިން ބަޔޯޓެކްނޮލޮޖީ
- ބެޗްލަރސް އިން ޑިޖިޓަލް މީޑިޔާ ޓެކްނޮލޮޖީ
- ބެޗްލަރސް އިން ސޮފްޓްވެއަރ އިންޖީނިއަރިންގ
މި ސްކޮލަރޝިޕްގައި، ކޯހުގެ ޓިއުޝަން ފީގެ %100 ހިމެނިފައިވީ ނަމަވެސް، ހުރުމާއި، ކެޔުން ބުއިން ފަދަ އެހެނިހެން ހަރަދުތަކަށް ޒިންމާ ވާންޖެހޭނީ ދަރިވަރު އަމިއްލަޔަށެވެ. މީގެ އިތުރުން، ކިޔަވާ ކޯސް، ދާއިރާ ނުވަތަ ޤައުމު ބަދަލުކުރުން ފަދަ އެއްވެސް ބަދަލެއް މި ސްކޮލަޝިޕްގެ ދަށުން ނުގެނެވެ އެވެ.
ލަކީ ޑްރޯއަށް ހުށަހަޅާ ފަރާތްތަކުގެ ޝަރުތުތައް:
- މިނިސްޓްރީ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓްގައި މަސައްކަތްކުރާ ފަރާތަކަށް ނުވުން
- ދިވެހި ރައްޔިތެއްކަމުގައިވުން
- ސްކޮލަރޝިޕަށް ހޮވޭ ތާރިޚުން ފެށިގެން 12 މަސް ދުވަހުގެ ތެރޭގައި ޒިއަމެން ޔުނިވާސިޓީ އިން ޕްލޭސްމަންޓް ހޯދައި ކިޔަވަން ފަށާ ތާރީޚުން ފެށިގެން 3 އަހަރު ތެރޭގައި ކޯސް ފުރިހަމަކުރުން
- މޯލްޑިވިސް ކުއަލިފިކޭޝަންސް އޮތޯރިޓީ (އެމްކިޔުއޭ) އިން ކަނޑައަޅާފައިވާ މިންގަނޑުތަކާއި އެއްގޮތަށް ކޯހުގައި ބައިވެރިވުމުގެ ފެންވަރު ހުރުން
- ލަކީ ޑްރޯގައި ބައިވެރިވާ ކޮންމެ ފަރާތަކަށް ވެސް އެއް ސްކޮލަރޝިޕް ހާޞިލުކުރުމުގެ ފުރުޞަތު ލިބިގެންވުން (އެއް ފަރާތެއް އެއް ފަހަރަށްވުރެ ގިނަ ފަހަރު ހޮވިއްޖެނަމަ، ބަލައިގަނެވޭނީ ،ފުރަތަމަ ހޮވުން ފަހަރު އެކަނި)
މި ނޮވެންބަރު މަހުގެ 15 އަދި 16 ވަނަ ދުވަހު ކުރިއަށް ގެންދިޔުމަށް ހަމަޖެހިފައިވާ ”ދާލަން : ނޭޝަނަލް ސްކިލްސް އެންޑް ކެރިއަރ އެކްސްޕޯ 2024“ ނިންމުމުގެ ރަސްމިއްޔާތުގައި މި ސްކޮލަޝިޕް ހާޞިލުކުރާ 5 ނަސީބުވެރިއެއްގެ ނަން އިޢުލާނުކުރެވިގެންދާނެ އެވެ.
”ދާލަން : ނޭޝަނަލް ސްކިލްސް އެންޑް ކެރިއަރ އެކްސްޕޯ 2024“ ގެ ޕާޓްނަރުންނަކީ ދިރާގު، ޕީއެސްއެމް، ޕެންޝަންސް އޮފީސް، ބޭންކް އޮފް މޯލްޑިވްސް، އެޗްޑީސީ، ވެމްކޯ، ސްޓެލްކޯ އަދި ކެފޭ ޑެލިޒިއޯސޯ އެވެ.
މި އެކްސްޕޯ ގެ ސްޕޮންސަރުންނަކީ ސީގަލް ގްރޫޕް އާއި ވޮޔޭޖެސް މޯލްޑިވްސް އެވެ.
މީގެ އިތުރުން މި އެކްސްޕޯ ފަންޑްކޮށްދެނީ މިނިސްޓްރީ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓްގެ ދަށުން ވޯލްްޑް ބޭންކުގެ ޚަރަދުގައި ހިންގާ ސަސްޓެއިނަބަލް އެންޑް އިންޓެގްރޭޓެޑް ލޭބަރ ސަރވިސެސް (ސެއިލްސް) ޕްރޮޖެކްޓް އަދި މޯލްޑިވްސް: އެންހާންސިންްގް އެމްޕްލޯޔަބިލިޓީ އެންޑް ރެޒިލިއަންސް އޮފް ޔޫތް (މީރީ) ޕްރޮޖެކްޓެވެ.
ހަޔާ އެޑިއުކޭޝަން މިނިސްޓަރ ޑރ. މަރިޔަމް މާރިޔާ މިނިސްޓްރީ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް
