މޯލްޑިވްސް ޕޯޓްސް ލިމިޑެޓް (އެމްޕީއެލް) އިން ޕޮލިސް ސާވިސްއަށް ފޯކް ލިފްޓެއް ފޯރުކޮށްދިނުމަށް އެއްބަސްވުމެއްގައި ސޮއިކޮށްފި އެވެ.
އެމްޕީއެލް އިން ބުނީ އެ ކުންފުނިން ފުލުހުންނަށް ފޯކް ލިފްޓެއް ފޯރުކޮށްދިނުމާ ގެޅޭ އެއްބަސްވުމެއްގައި މިއަދު ސޮއިކޮށްފައިވާ ކަމަށެވެ.
އެމްޕީއެލްގެ ހެޑް އޮފީހުގައި މިއަދު ހެނދުނު އޮތް ރަސްމިއްޔާތެއްގައި އެމްޕީއެލްގެ ފަރާތުން އެއްބަސްވުމުގައި ސޮއިކުރެއްވީ ސީއީއޯ މުހައްމަދު ވަޖީހު އިބްރާހިމް އެވެ. މޯލްޑިވްސް ޕޮލިސް ސާވިސްގެ ފަރާތުން ސޮއިކުރެއްވީ ކޮމިޝަނާ އޮފް ޕޮލިސް އަލީ ޝުޖާއު އެވެ.
އެ އެއްބަސްވުމުގެ ދަށުން މޯލްޑިވްސް ޕޮލިސް ސާވިސްގެ އެކި މަސައްކަތުގައި ބޭނުންކުރުމަށް އެމްޕީއެލްއިން ފަސް ޓަނުގެ ފޯކް ލިފްޓެއް ފޯރުކޮށްދޭނެ ކަމަށް ކުންފުނިން ބުނެފައިވެ އެވެ.
މިއާއެކު މާލޭގެ މަގުތަކުގައި ގަވައިދާ ހިލާފަށް ބަހައްޓާފައި ހުންނަ ވެހިކަލްތައް ނެގުމަށް ފުލުހުން ކުރާ މަސައްކަތަށް އިތުރުކުރިއެރުމެއް ލިބޭނެ ކަމަށް ފުލުހުުން ބުނެ އެވެ. މާލޭގެ މަގުތަކުގައި ގަވައިދާ ހިލާފަށް ހުންނަ ވެހިކަލްތައް ނެގުމަށް މިހާރުވެސް ފުލުހުން އަންނަނީ ޕަބްލިކް ވޯކްސް މިނިސްޓްރީގެ އެހީތެރިކަން ހޯދަމުންނެވެ،
މޯލްޑިވްސް ޕޯޓްސް ލިމިޓެޑް (އެމްޕީއެލް) ދިވެހި ފުލުހުންގެ ޚިދުމަތް
