އަތޮޅު ތެރޭގެ ރަށަކުން 7 އަހަރާއި 11 އަހަރުގެ އަންހެން ކުއްޖަކާއި ބެހުނު މައްސަލައެއް ފެންމަތިވެއްޖެ އެވެ.
ފުލުހުން މިއަދު މީޑިއާތަކަށް ފޮނުވި މެސެޖެއްގައި ވަނީ ދެކުނުގެ ރަށަކުން 11 އަހަރާއި 7 އަހަރުގެ އަންހެން ކުދިންނާއި ބެހުނު މައްސަލައެއް ފެންމަތިވި ކަމަށް މައުލޫމާތު ދީފަ އެވެ. މި ކުދިންނަށް ޖިންސީ ގޯނާކޮށްފައިވަނީ އިތުބާރުހުރި މަގާމެއްގައި ހުރި ފަރާތެއް ކަމަށް ފުލުހުން ބުންޏެވެ. މި މައްސަލަ ފުލުހުންނަށް ރިޕޯޓްކޮށްފައިވަނީ ނޮވެމްބަރ 11 ވަނަ ދުވަހު އެވެ.
މި މައްސަލައަާއި ގުޅިގެން 56 އަހަރުގެ ދިވެހި ފިރިހެނަކު ކޯޓު އަމުރެއްގެ ހައްޔަރުކޮށްފައި ވެއެވެ.
މި މައްސަލަ ފުލުހުން ގެންދަނީ ތަހުގީގު ކުރަމުން ނެވެ.
ވިކްޓިމްގެެ ރައްކާތެރިކަމަށްޓަކައި މި މައްސަލައިގެ އިތުރު ތަފްސީލުތައް ހާމަކުނުކުރެވޭނެ ކަމަށް ފުލުހުން ބުންޏެވެ.
