ހުޅުމާލެ ފޭސް ދޭއްގެ މަގު ބައްތިތައް ދިއްލަން ފަށައި، މަގުތައް ދިއްލާލައިފި އެވެ.
ހުޅުމާލެ ފޭސް ދޭއްގައި މީހުން އާބާދުވިތާ ގިނަ އަހަރުތަކެއްވި ނަމަވެސް، އާންމުކޮށް ބޭނުންކުރާ ދެ މަގެއް ފިޔަވައި އެހެން މަގުތަކުގައި މަގު ބައްތިތައް ބޭނުންކޮށްފައެއް ނުވެ އެވެ. އަދި ގިނަ މަގުތައް އޮންނަނީ ވަރަށް އަނދިރިކޮށެވެ.
އެހެންވެ ހުޅުމާލެ މަގުތަކުގައި މަގު ބައްތިތައް ހަރުކޮށް، މީހުންނަށް ފަސޭހައިން މަގުތައް ބޭނުންކުރޭ ގޮތަށް ދިއްލާލުމަކީ ރައީސް ޑރ. މުހައްމަދު މުއިއްްޒުގެ ވައުދެކެވެ.
އެޗްޑީސީން މީގެކުރިން ބުނެފައިވާ ގޮތުގައި މަގު ބައްތި ދަނޑިތައް ހަރުކޮށް، ބައްތިތަކަށް އެޅި ކޭބަލްތައް ބަގަށް ނެގުމުން އެ މަގުތައް ދިއްލުމަށް ކުރި މަސައްކަތް މަޑުޖެހުނު ކަމަށެވެ. ނަމަވެސް ޝަކުވާތައް އިތުރުވެ، އެޗްޑީސީގެ ޓީމުން ވަނީ އަލުން ބައްތިތަކަށް ކަރަންޓު ކޭބަލްތައް އަޅާފަ އެވެ.
އެޗްޑީީސީން މިރޭ ބުނީ ހުޅުމާލެ ފޭސް ދޭއްގެ ގިނަ މަގުތަކެއް މިހާރު ދިއްލާފައިވާ ކަމަށެވެ. އަދި އިތުރު މަގުތައް ދިއްލުމުގެ މަސައްކަތް ކުރަމުން އަންނަ ކަމަށްވެސް އެ ކުންފުނިން ބުންޏެވެ.
