ބޮލީވުޑްގެ މަޝްހޫރު ތަރިން ބިޕާޝާ ބާސޫއާއި އޭނާގެ ފިރިމީހާ ކަރަން ސިންގް ގްރޯވާ ރާއްޖޭގައި މިވަގުތު ޗުއްޓީ ހޭދަކުރަމުންދާ ކަމަށް މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރްސީ) އިން ބުނެފި އެވެ.
އެމްއެމްޕީއާރްސީ އިން ޝާއިއުކުރި ހަބަރެއްގައިވާ ގޮތުގައި މިދެމަފިރިން މިހާރު ޗުއްްޓީ ހޭދަކުރަމުންދަނީ އޯޒެން ރިޒާވް ބޮލިފުށި ރިޒޯޓްގަ އެވެ.
ބިޕާޝާގެ ދެމަފިރިންނާއި ދަރިފުޅު ދޭވީ ގްރޯވާ ރާއްޖެއަށް އައިސްފައިވަނީ ދޭވީގެ 2 ވަނަ އުފަންދުވަސް ފާހަގަކުރުމަށެވެ. މިދިޔަ އަހަރުވެސް ދޭވީގެ އުފަންދުވަސް ފާހަގަކޮށްފައިވަނީ ރާއްޖޭގަ އެވެ.
ބިޕާޝާ އަދި ކަރަން ވަނީ ރާއްޖޭގައި ނަގާފައިވާ ފޮޓޯތައް އިންސްޓަގްރާމްގައި ހިއްސާ ކޮށްފަ އެވެ.
އެމްއެމްޕީއާރްސީ އިން ބުނީ އޯޒެން އަކީ ބިޕާޝާ އަމިއްލައަށް އިހްތިޔާރުކުރި މަންޒިލެއް ކަމަށެވެ.
މި ފަހުން އައިސް އިންޑިއާގެ ވަރަށް ގިނަ ބޮލީވުޑް ތަރިން އަންނަނީ ރާއްޖެއަށް ޒިޔާރަތްކުރަމުން ނެވެ. ރާއްޖެއަކީ ވަރަށް ކުރީއްސުރެ ބޮލީވުޑް ތަރިންގެ މެދުގައި ޗުއްޓީ ހޭދަކުރަން މަގްބޫލު މަންޒިލެކެވެ.
ބޮލީވުޑް މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރްސީ)
