ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ދަރިކަލުންނާ ގުޅިގެން ހަސަން ކުރުސީ ދެއްކި ވާހަކަޔަށް ޓްރާންސްޕޯޓް މިނިސްޓަރު މުހައްމަދު އަމީން ރައްދު ދެއްވައިފި އެވެ.
އެކްސްގައި ކުރުސީ ކޮށްފައިވާ ޕޯސްޓެއްގައި ބުނެފައިވަނީ ރައީސް މުއިއްޒު ވޭޕް ބޭން ކުރަން ނިންމާފައިވަނީ އެމަނިކުފާނުގެ ދަރިކަލުން ވޭޕް ބޭނުން ކުރާކަން ފަޅާ އެރުމުން ކަމަށެވެ.
މި ޕޯސްޓަށް ރައްދު ދެއްވަމުން މިނިސްޓަރު އަމީން އެކްސްގައި ކުރެއްވި ޕޯސްޓުގައި ވިދާޅުވެފައިވަނީ ރައީސްގެ ބޭފުޅުންނަކީ މައުސޫމް ބޭފުޅުން ކަމަށާއި ރައީސްގެ ބޭފުޅުން ސިޔާސީ ކަންކަމުގެ ތެރެއަށް ވެއްދުމަކީ ލަދުގަންނަން ޖެހޭ ކަމެއް ކަމަށެވެ. އަދި ކުރުސީ ދައްކާ ވާހަކަތަކަކީ ހަދައިގެން ދައްކާ އެއްވެސް ހަގީގަތެއް ނެތް ވާހަކަތަކެއްކަމަށް މިނިސްޓަރު ވިދާޅުވި އެވެ.
މިއީ މުޅިން ހަދައިގެން ދައްކާ ވާހަކަ. މި ވާހަކައިގައި އެއްވެސް ހަގީގަތެއް ނެތް. ރައީސްގެ ބޭފުޅުންނަކީ ރީތި މައުސޫމް ބޭފުޅުން. އެ ބޭފުޅުން ސިޔާސީ ވާހަކަތަކުގެ ތެރެއަށް ވައްދައި ވާހަކަދެއްކުމަކީ ހަގީގަތުގައިވެސް ލަދުވެތި ކަމެއް.
މީގެ އިތުރުން އަމީން ވަނީ ސިއްހީ ދާއިރާގެ މާހިރުން މިކަމަށް ގިނަ ދުވަސްތަކެއް ވަންދެން ވަކާލާތުކޮށްފައިވީ ނަމަވެސް، ސިޔާސީ ފަރާތްތަކަށް ރަނގަޅު ނިންމުމެއް ނިންމުމަށް ނުކުޅެދިފައިވާކަމަށް ވިދާޅުވެފަ އެވެ. އަދި ހުރިހާ ދިވެހިންގެ މަސްލަހަތަށްޓަކައި މި ނިންމުން ނިންމުމުގެ ހިތްވަރާއި ކެރުން ހުރީ ރައީސް ޑރ. މުޢިއްޒުގެ ވެރިކަމުގައިކަމަށް އަމީން ވިދާޅުވި އެވެ.
ރައީސް މުއިއްޒުގެ ކެބިނެޓުގައި ވޭޕް ބޭން ކުރުމަށް އެންމެ ބޮޑަށް ވަކާލާތު ކުރެއްވި އެއް މިނިސްޓަރަކީ އޭނާކަމަށް މިނިސްޓަރު އަމީން ވިދާޅުވި އެވެ. އަދި އަމިއްލަ ގޮތުންވެސް ވޭޕް ބޭން ކުރުމަށް ވަކާލާތު ކުރެއްވިކަމަށް އަމީން ވިދާޅުވި އެވެ.
މަޢުސޫމު ކުދިންނާއި، ފިރިހެނުންނާއި އަންހެނުންނަށް ގެއްލުންދޭ މިފަދަ ދޮގު ހަބަރު ފަތުރާ ތަންތަނާއި އެކައުންޓްތަކުން ފަތުރާ އަބުރާބެހޭ ވާހަކަތަކާ އަޅުގަނޑުމެން އެންމެން ދުރުހެލިވާން ޖެހޭ.
ވޭޕް ބޭން ކުރުމަކީ ޒުވާނުންނާއި އަންނަން އޮތް ޖީލުތަކުގެ މަސްލަހަތަށްޓަކައި ދިވެހި ސަރުކާރަކުން ނިންމާފައިވާ އެންމެ މުހިންމު ނިންމުންތަކުގެ ތެރޭގައި ހިމެނޭ ނިންމުމެއް ކަމަށް މިނިސްޓަރު އަމީން ވިދާޅުވި އެވެ.
ރައީސް މުއިއްޒު ނިންމަވާފައިވާ ނިންމުމުގެ ދަށުން މި މަހުގެ 15 ވަނަ ދުވަހުން ފެށިގެން ރާއްޖެއަށް ވޭޕާއި، ވޭޕްކުރުމަށް ބޭނުންކުރާ ބާވަތްތައް އެތެރެކުރިން މަނާވާނެ އެވެ. އަދި އަންނަ މަހުގެ 15 ވަނަ ދުވަހުން ފެށިގެން ރާއްޖޭގައި ވޭޕް ބޭނުންކުރުމާއި، ވޭޕްގެ ވިޔަފާރިކުރުންވެސް މަނާވާނެ އެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިނިސްޓަރު މުހައްމަދު އަމީން ދުންފަތް ކޮންޓްރޯލްކުރުމާއި، ވޭޕް މަނާކުރުން
