އިސްލާމީ މަރުކަޒުގެ ފުރިހަމަ މަރާމާތެއް އަންނަ އަހަރު ކުރިއަށް ގެންދާނެ ކަމަށް އިސްލާމިކް މިނިސްޓަރ ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
މިނިސްޓަރ މިހެން ވިދާޅުވީ، އިސްލާމީ މަރުކަޒު ހުޅުވިތާ 40 އަހަރު ފުރުމާ ގުޅިގެން އެކްސްގައި ހިއްސާ ކުރެއްވި ޕޯސްޓެއްގަ އެވެ.
އެ ޕޯސްޓުގައި މިނިސްޓަރ ވިދާޅުވެފައި ވަނީ، އިސްލާމީ މަރުކަޒަށް 40 އަހަރު ފުރުމާ ގުޅިގެން ހާއްސަ ޖަލްސާއެއް ބޭއްވުމަށް ރައީސް ޑރ. މުހައްމަދު މުއިއްޒު އިރުޝާދު ދެއްވާފައިވާ ކަމަށެވެ.
އިސްލާމީ މަރުކަޒުގެ ކަންކަމަށް ރައީސް ހާއްސަ ސަމާލު ކަމެއް ދެއްވާ ކަމަށާއި، އެގޮތުން އެތަނުގެ ފުރިހަމަ މަރާމާތެއް އަންނަ އަހަރު ކުރަން ނިންމާފައިވާ ކަމަށް މިނިސްޓަރގެ ޕޯސްޓުގައި ވިދާޅުވެފައިވެ އެވެ.
މިނިސްޓަރ ގެ ޕޯސްޓުގައި ވަނީ، ރާއްޖޭގެ ރައްޔިތުން ލޯބިވާ އިސްލާމީ މަރުކަޒު ބިނާކޮށް ދެއްވީތީ ކުރީގެ ރައީސް މައުމޫން އަބްދުލް ގައްޔޫމަށް ޝުކުރު ވެސް އަދާކުރައްވާފައިވެ އެވެ.
އެއީ ޖީލެއްގެ ތަރުބިޔަތުގެ ރަމްޒު ކަމަށާއި، ރާއްޖޭގެ އިސްލާމީ ގައުމީ ޝަހްސިއްޔަތުގެ ނިޝާން ކަމަށްވެސް މިނިސްޓަރ ވިދާޅުވި އެވެ. އަދި އިސްލާމީ ތަރުބިޔަތާއި ތައުލީމާއި ތަމްރީނުގެ ކިއްލާކަމަށްވެސް މިނިސްޓަރގެ ޕޯސްޓުގައި ފާހަގަކޮށްފައިވެ އެވެ.
ރައީސް މައުމޫން އަބްދުލްގައްޔޫމް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު
