ސެކިއުރިޓީ ފީޗާ ހިމެނޭ ގޮތަށް ޑޮމެއިން ނަމްބަރު ވިއްކާ އުސޫލު ޓްރާންސްޕޯޓް މިނިސްޓްރީން އާއްމުކޮށްފި އެވެ.
އެގޮތުން، މި މަސައްކަތުގެ ތެރެއިން އިއްޔެ ވަނީ އެއްގަމު އުޅަނދުގައި ޑޮމެއިން ބޭނުންކުރާ އުސޫލު އިސްލާހުކޮށް، އާންމު ކޮށްފަ އެވެ.
އެ އުސޫލަށް ގެނެސްފައިވާ އިސްލާހުގައި ބުނެފައިވާ ގޮތުގައި، މިހާރު ދޫކޮށްފައިވާ ޑޮމެއިން ނަމްބަރުތައް އަލުން ރަޖިސްޓްރީކޮށް ފައިސާ ދައްކަން ދެ މަސް ދުވަސް ލިބޭނެ ކަމަށެވެ.
މީގެ އިތުރުން، ޑޮމެއިންގެ ރަޖިސްޓްރީ ލިޔުމާއި ޑޮމެއިން ބޭނުން ކުރުމުގެ ހުއްދަތައް ސެކިއުރިޓީ ފީޗާ ހިމެނޭ ޑޮމެއިންނަށް ބަދަލުކުރަން ވަނީ ތިން މަސް ދުވަހުގެ މުއްދަތެއް ދީފަ އެވެ. އޭގެ ފަހުން ބޭނުންކުރާ ޑޮމެއިން ރަޖިސްޓްރީ އާއި ހުއްދަތައް ބަލައި ނުގަންނަނާނެ ކަމަށް ވެސް މިނިސްޓްރީގެ އުސޫލުގައިވެ އެވެ.
އުސޫލުގައި ހިމެނޭ ބައެއް ކަންކަމުގެ ތެރޭގައި:
- – ޑޮމެއިން ނަމްބަރަށް އެދި ހުށަހަޅާ ފޯމާއެކު ހުށަހަޅަން ޖެހޭ ލިޔެކިޔުންތައް
- – އުޅަނދު ދުއްވާ މީހާ އަތުގައި ފަސޭހައިން ފެންނަން ގޮތަށް ޑޮމެއިން ބޭނުން ކުރުމުގެ ހުއްދަ އޮންނަން ޖެހޭ
- – ރަޖިސްޓްރީ ނުކުރާ ނަމްބަރު ބޭނުން ކުރާ ނަމަ ޖޫރިމަނާ ކުރުން
ބޮޑު އަގުގައި އަދި ނީލަމުގެ އުސޫލުން ވިއްކަމުން ދިޔަ ޑޮމެއިން ނަމްބަރުތައް ވިއްކުން ހުއްޓާލީ ކުރީގެ ސަރުކާރުގައި އޮގަސްޓް، 2023 ގައި އެވެ.
މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަން ޑޮމެއިން
