”ޖޮއިންޓް އަރަބް-އިސްލާމިކް ސަމިޓް“ ގައި ބައިވެރިވެވަޑައިގަތުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ސައުދީ އަރަބިއްޔާގެ ރިޔާޒަށް ފުރާވަޑައިގެންފި އެވެ.
ރައީސް އޮފީހުން ބުނީ، މި ސަމިޓްގައި އިސްލާމީ ދުނިޔޭގެ ލީޑަރުންނާ ގުޅިގެން ފަލަސްތީނުގެ ސަރަހައްދުތަކާއި ލުބުނާނުގައި އިސްރާއީލުން ހިނގަމުންދާ އަނިޔާތައް ހިމެނޭ ގޮތަށް މުހިންމު މައްސަލަތަކަށް ހައްލެއް ހޯއްދަވާނެ ކަމަށެވެ.
މި ސަމިޓަކީ ނޮވެމްބަރު 11، 2023 ގައި ރިޔާދުގައި ބޭއްވި އަރަބި އިސްލާމީ ޖޮއިންޓް ސަމިޓަށް ފަހު ބާއްވާ ސަމިޓެއް ކަމަށާއި، މި ސަމިޓަކީ މި ސަރަހައްދުގައި ސުލްހައާއި ހަމަޖެހުން ގާއިމް ކުރުމަށް ޖަމާޢަތުގައި ކުރެވޭ މަސައްކަތްތައް ވަރުގަދަ ކުރުމަށް ކަމަށް ރައީސް އޮފީހުން ބުނެފައިވެ އެވެ.
ސައުދީއަށް ކުރައްވާ ދަތުރުފުޅަށްފަހު ރައީސް އަޒަރްބައިޖާންގައި އޮންނަ ކޮޕް 29 ސަމިޓަށްވެސް ވަޑައިގަންނަވަން ހަަމަޖެހިފައި ވެއެވެ. އެމަނިކުފާނު ވިދާޅުވީ ބަކޫގައި އޮންނަ މި މޫސުމީ ބަދަލުތަކާއި ބެހޭ ބައްދަލުވުމުގައި ބައިވެރިވެވަޑައިގަންނަވާނެ ކަމަށެވެ. މި ސަމިޓް އޮންނާނީ މި މަހުގެ 11 އިން 22 ގެ ނިޔަލަށެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު ރާއްޖެ - ސައުދީ
