ރައީސުލްޖުމްހޫރިއްޔާ ޑރ. މުހައްމަދު މުއިއްުޒު ސައުދީ އަރަބިއްޔާއަށް ފުރާވަޑައިގަންނަވާނެ ކަމަށް އިއުލާންކުރައްވައިފި އެވެ.
ރައީސް މިކަން އިއުލާންކުރެއްވީ މިރޭ ބޭއްވެވި ޖުމްހޫރީ ދުވަހުގެ ޖަލްސާގައި ވާހަކަދައްކަވަމުން ނެވެ.
ރައީސް މިކަން އިއުލާންކުރެއްވީ ރާއްޖެއިން ފަލަސްތީނުގެ ހައްގުގައި ކެނޑިނޭޅި ވަކާލާތު ކުރާކަން ފާހަގަކުރައްވަމުން ނެވެ. އެހެންކަމުން، އެމަސައްކަތް ކުރެއްވުމަށްޓަކައި މިރޭ 1:00 ޖަހާއިރު ސައުދީއަށް ފުރާވަޑައިގަންނަވާނެ ކަމަށް އެމަނިކުފާނު އިއުލާންކުރެއްވި އެވެ. އެމަނިިކުފާނު މި ދަތުރު ކުރައްވަނީ ސައުދީގައި އޮންނަ “ޖޮއިންޓް އަރަބް-އިސްލާމިކް“ ސަމިޓްގައި ބައިވެރިވެޑައިގަތުމުގެ ގޮތުން ނެވެ. މިއީ ސައުދީ ރަސްގެފާން ސަލްމާން ބުން އަބްދުލް އަޒީޒް ބާއްވާ ސަމިޓެކެވެ.
”ފަލަސްތީނުގައި މިނިވަން ދައުލަތެއް ގާއިމުކުރުމުގެ މައްސަލައިގައި“ ފަލަސްތީނުގެ މައްސަލައިގައި ރާއްޖެއިން މި ސަމިޓްގައި ބަސް އިއްވާނެ ކަމަށް ރައީސް ވިދާޅުވި އެވެ.
މި ޖަލްސާ ނިންމެވުމަށްފަހު ރައީސް ސައުދީއަށް ކުރައްވާ ދަތުރުފުޅު ފައްޓަވާނެ އެވެ.
ސައުދީއަށް ކުރައްވާ ދަތުރުފުޅަށްފަހު ރައީސް އަޒަރްބައިޖާންގައި އޮންނަ ކޮޕް 29 ސަމިޓަށްވެސް ވަޑައިގަންނަވަން ހަަމަޖެހިފައި ވެއެވެ. އެމަނިކުފާނު ވިދާޅުވީ ބަކޫގައި އޮންނަ މި މޫސުމީ ބަދަލުތަކާއި ބެހޭ ބައްދަލުވުމުގައި ބައިވެރިވެވަޑައިގަންނަވާނެ ކަމަށެވެ. މި ސަމިޓް އޮންނާނީ މި މަހުގެ 11 އިން 22 ގެ ނިޔަލަށެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު ރާއްޖެ - ސައުދީ
