ރައީސުލްޖުމްހޫރިއްޔާ ޑރ. މުހައްމަދު މުއިއްޒު، ނިޝާން އިއްޒުއްދީނުގެ އިއްޒަތުގެ ވެރިޔާ އަދި ދިވެހިރާއްޖޭގެ އިސްލާމީ ޔުނިވާސިޓީގެ ޗާންސެލާ ކަމުގެ މަގާމުގައި މިހާރު ހުންނެވި ޑރ. މުހައްމަދު ޒާހިރު ހުސައިނަށް ދިވެހިރާއްޖޭގެ ތައުލީމަށް ހިދުމަތްކުރުމުގެ އެންމެ މަތިވެރި ޝަރަފު އަރުވައިފި އެވެ.
ޑރ. މުހައްމަދު ޒާހިރަށް މި ޝަރަފު އަރުވާފައިވަނީ މިރޭ ބޭއްވި ޖުމްހޫރީ ދުވަހުގެ ހާއްސަ ޖަލްސާގެ ތެރެއިންނެވެ.
ރައީސް މުއިއްޒު، ޑރ. މުހައްމަދު ޒާހިރަށް މި ޝަރަފު އެރުވީ ދިވެހިރާއްޖޭގެ ތައުލީމީ ތަރައްގީއަށާއި، ރާއްޖޭގައި ތައުލީމު ފުޅާކުރެއްވުމަށާއި، ތައުލީމީ ރޮނގުން ރާއްޖޭގެ ރައްޔިތުން ހޭލުންތެރިކުރެއްވުމަށް އިހުލާސްތެރިކަމާއެކުގައި، ގިނަގުނަ ހިދުމަތްތަކެއް ކޮށްދެއްވާފައިވާތީ، އެކަމުގެ އަގު ވަޒަންކުރެއްވުމުގެ ގޮތުންނެވެ. އެގޮތުން މިރޭ ބޭއްވި ޖަލްސާގައި ރައީސް މުއިއްޒު ވަނީ ޑރ. މުހައްމަދު ޒާހިރަށް ޝަރަފުގެ މެޑަލްއާއި ޝަރަފުގެ އައްޑަނަ އަރުވާފަ އެވެ.
ތައުލީމަށް ހިދުމަތް ކުރުމުގެ އެންމެ މަތިވެރި ޝަރަފަކީ މިއަހަރު އަލަށް އިފްތިތާހު ކުރެވިގެން ދިޔަ ޝަރަފެކެވެ. އެގޮތުން މި ޝަރަފު މިރޭ ޑރ. މުހައްމަދު ޒާހިރަށް އަރުވާފައިވަނީ ޖުމްހޫރީ ދުވަހުގެ ޖަލްސާއަކީ ރައީސުލްޖުމްހޫރިއްޔާ ދެއްވާ ހާއްސަ އިނާމު ދެއްވާ ޖަލްސާއަށް ވާތީ އެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު އިސްލާމިކް ޔުނިވާސިޓީ އޮފް މޯލްޑިވްސް (އައިޔޫއެމް)
