މަރަދޫގައި ދޯންޏެއް ދިޔަވުމުން އެމްއެންޑީއެފް އިން ސަލާމަތްކޮށްފި އެވެ.

އައްޑޫ ސިޓީ މަރަދޫ ބަނދަރުގައި އަޅާފައި އޮއްވައި، ދިޔަވެ އަޑިއަށްދިޔަ ދޯންޏަކުން ދިޔަ ހިއްކުމުގައި އެމްއެންޑީއެފް ސަދަން އޭރިއާ ކޮމާންޑުން އެހީތެރިކަން ފޯރުކޮށްފައިވާ ކަމަށް އެމްއެންޑީއެފްއިން ބުުންޏެވެ.

ދޯނި ދިޔަވާކަމުގެ މައުލޫމާތު ރޭ ދަންވަރު 01:05 ހާއިރު ލިބުމާއެކު، އެމްއެންޑީއެފް ސަދަން އޭރިއާ ކޮމާންޑް، ހިތަދޫ ފަޔަރ ސްޓޭޝަނުގެ ފަޔަރ ފައިޓަރުންނާއި އެމްއެންޑީއެފް ސަދަން އޭރިއާ ކޮމާންޑް، ކޯސްޓްގާޑް ފޯތު ސްކޮޑްރަންގެ ސިފައިން ވަނީ އެ ސަރަހައްދަށް އެހީތެރިކަން ފޯރުކޮށްދީފަ އެވެ.

ދޯނީގައި ބޮޑުވި ދިޔަގަނޑު އެއްކޮށް ހިއްކައި ނިމުނީ ރޭ ފަތިހު 05:10 ހާއިރުގައި ކަމަަށް އެމްއެންޑީއެފް އިން މައުލޫމާތު ދީފައި ވެއެވެ.