އިހަވަންދިއްޕޮޅުގައި ތަރައްގީ ކުރުމަށް ނިންމާފައިވާ ”މޯލްޑިވްސް އިކޮނޮމިކް ގޭޓުވޭ ޕްރޮޖެކްޓު“ގެ ޕޯޓު ތަރައްގީ ކުރުމަށް ސިންގަޕޫރު ކުންފުންޏަކާއެކު ފްރޭމްވޯކް އެއްބަސްވުމެއްގައި ސޮއިކޮށްފި އެވެ.
މި އެއްބަސްވުމުގައި ސޮއިކޮށްފައިވަނީ މޯލްޑިވްސް އިންޑަސްޓްރިއަލް ޑިވެލޮޕްމަންޓު ފްރީ ޒޯންއާއި ސިންގަޕޫރުގެ ކެޕިޓަލް އޭޝިއާ އިންވެސްޓުމަންޓާ ދެމެދު އެވެ. މޯލްޑިވްސް އިންޑަސްޓްރިއަލް ޑިވެލޮޕްމަންޓު ފްރީ ޒޯންގެ ފަރާތުން އެއްބަސްވުމުގައި ސޮއިކުރެއްވީ މެނޭޖިން ޑިރެކްޓަރު ޝިމާދު އިބްރާހީމެވެ. އޭޝިއާ އިންވެސްޓުމަންޓުގެ ފަރާތުން ސޮއިކޮށްކުރެއްވީ ޗީފް ކޮމަރޝަލް އޮފިސަރ ޓަން ކުން ޗިއާއޯ ޖޯޖް އެވެ.
މި އެއްބަސްވުމުގެ ދަށުން އިހަވަންދިއްޕޮޅުގައި ބަނދަރު ތަރައްގީ ކުރުމުގެ އިތުރުން ބަނދަރަށް ބޭނުންވާ ހިދުމަތްތައް ގާއިމު ކުރުމަށް ވަނީ ހަމަޖެހިފަ އެވެ.
މިއަދު ފްރޭމްވޯކް އެއްބަސްވުމުގައި ސޮއި ކުރެއްވުމަށް ފަހު ޝިމާދު ވިދާޅުވީ މި މަސައްކަތުގެ ރަސްމީ އެއްބަސްވުމުގައި ކުރިއަށް އޮތް 6 މަސް ދުވަހުގެ ތެރޭގައި ސޮއި ކުރެވޭނެ ކަމަށެވެ.
ކެޕިޓަލް އޭޝިއާ އިންވެސްޓްމެންޓަކީ އިންފްރާސްޓްރަކްޗާ، އައިޓީ، ފިންޓެކް އަދި އިޔާދަކުރަނިވި ހަކަތައިގެ ދާއިރާއިން 1.3 ބިލިއަން ޑޮލަރުގެ އެސެޓު މެނޭޖް ކުރަމުން އަންނަ ކުންފުންޏެކެވެ.
ސަރުކާރުގެ ފަސް ކުންފުންޏެއް ހިމެނޭ ގޮތަށް މޯލްޑިވްސް އިންޑަސްޓްރިއަލް ފްރީ ޒޯން އުފެއްދީ މި އަހަރުގެ ޖެނުއަރީ މަހު އެވެ.
އެސްޓީއޯގެ އެމްޑީ އިބްރާހީމް ޝިމާދު މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑް
