ގޭމް ސްޓްރީމް ކޮށްލުމަށް 3 ދުވަހަށް 100ޖީބީ ލިބޭ އޮފާއެއް އުރީދޫއިން ފަށައިފި އެވެ.
އުރީދޫއިން ބުނީ ”ސަތޭކައަށް ސަތޭކަ“ގެ ނަމުގައި ފެށި މި އޮފާ އަކީ ގޭމް ސްޓްރީމް ކޮށްލުމަށާއި، ސިސްޓެމް އަޕްޑޭޓު ކުރުމުގެ އިތުރުން ޑޭޓާ ގިނައިން ބޭނުން ކުރަން ޖެހޭ ކަންކަމަށް ކަސްޓަމަރުންނަށް އިތުރަށް ފަސޭހަވެގެން ދާނެ އޮފާއަކަށް ވާނެ ކަމަށެވެ.
އުރީދޫއިން ބުނީ، މި ޑޭޓާ ހޯދުމަށް ”100ޖީބީ“ ޖެއްސެވުމަށްފަހު 5555އަށް މެސެޖު ކުރުމަށެވެ. 3 ދުވަހަށް ލިބިގެންދާ މި ޑޭޓާގެ އަގަކީ އެންމެ 100ރ. ކަމަށްވެސް އުރީދޫއިން ވަނީ ބުނެފަ އެވެ.
އުރީދޫއިން ދަނީ އުރީދޫގެ ކަސްޓަމަރުންނަށް ގިނަ އަދަދެެއްގެ އޮފާތަކާއެކު ދެމުންނެވެ.
އެގޮތުން، އުރީދޫއިން ވަނީ ކޮންމެ 3 ދުވަހަކުން ސައިކަލެއް ލިބޭ ޕްރޮމޯޝަނެއްވެސް މި އަހަރުގެ 31 ޑިސެމްބަރުގެ ނިޔަލަށް ފަށާފައެވެ. 30 ސައިކަލު ދޫކުރަން ހަމަޖެހިފައިވާ މި ޕްރޮމޯޝަންގެ ދަށުން މިހާތަނަށް ވަނީ 13 ސައިކަލެއް ދޫކޮށްފައެވެ.
މި ޕްރޮމޯޝަންގެ ދަށުން އެންމެ އަގުހުރި އިނާމެއްގެ ގޮތުން ނަސީބުވެރި ފަރާތަކަށް 2024 ވަނަ އަހަރުގެ ރެބެލް 300 (ކަޅު) ސައިކަލެއް ލިބިގެންދާނެކަމަށް އުރީދޫއިން ވަނީބުނެފަ އެވެ.
