ރައީސުލްޖުމްހޫރިއްޔާގެ ނައިބު، އަލްއުސްތާޛު ޙުސައިން މުޙައްމަދު ލަޠީފް، ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންގެ ފުޓްސަލް ފިއެސްޓާ 2024 ގެ ފައިނަލް މެޗް ނިންމުމުގެ ރަސްމިއްޔާތު ޝަރަފުވެރިކޮށްދެއްވައިފި އެވެ.
މި މުބާރާތުގެ އަންހެން ޑިވިޝަންގެ ފައިނަލް މެޗުގައި، މޯލްޑިވްސް ބިޒްނަސް ސްކޫލާއި އެމް.އެން.ޔޫ.ގެ ސެންޓަރ ފޮރ ފައުންޑޭޝަން ސްޓަޑީޒް ބައްދަލުކުރި މެޗު ކާމިޔާބު ކުރީ މޯލްޑިވްސް ބިޒްނަސް ސްކޫލެވެ.
އަދި މި މުބާރާތުގެ ފިރިހެން ޑިވިޜަންގެ ފައިނަލްގެ އެމް.އައި. ކޮލެޖާއި ފެކަލްޓީ އޮފް އެޑިއުކޭޝަން ބައްދަލުކުރި މެޗު ކާމިޔާބުކުރީ އެމް.އައި. ކޮލެޖުންނެވެ.
މި މުބާރާތުގެ އަންހެން ޑިވިޝަންގެ ފައިނަލް މެޗުގައި، މޯލްޑިވްސް ބިޒްނަސް ސްކޫލާއި އެމް.އެން.ޔޫ.ގެ ސެންޓަރ ފޮރ ފައުންޑޭޝަން ސްޓަޑީޒް ބައްދަލުކުރި މެޗު ކާމިޔާބު ކުރި މޯލްޑިވްސް ބިޒްނަސް ސްކޫލުގެ ޓީމަށް ޓްރޮފީއާއި މެޑަލް ދެއްވީ މިނިސްޓަރ އޮފް ސްޕޯޓްސް، ފިޓްނަސް އެންޑް ރެކްރިއޭޝަން، ޢަބްދުﷲ ރާފިޢު އެވެ.
ނައިބުރައީސް ވަނީ މި މުބާރާތުގެ ފައިނަލް މެޗުގައި ބޭނުންކުރި ބޯޅައިގައި ސޮއިކުރައްވައި، މި މުބާރާތުގެ ފިރިހެން ޑިވިޜަންގެ ފައިނަލްގެ އެމް.އައި. ކޮލެޖާއި ފެކަލްޓީ އޮފް އެޑިއުކޭޝަން ބައްދަލުކުރި މެޗު ކާމިޔާބުކޮށް ޗެމްޕިއަންކަން ހޯދި އެމް.އައި. ކޮލެޖުގެ ޓީމަށް ޓްރޮފީއާއި މެޑަލްދެއްވާފަ އެވެ.
ރައީސުލްޖުމްހޫރިއްޔާގެ ނައިބު އަލްއުސްތާޛު ހުސައިން މުހައްމަދު ލަތީފް
