އިނގިރޭސިވިލާތުގެ ރަސްގެފާނު ކިންގްސް ޗާލްސްގެ އުފަންދުވަސް ދިވެހިރާއްޖޭގައި ފާހަގަކޮށްފި އެވެ.
މިކަން ހާމަކޮށްފައިވަނީ މިއަދު ފޮރިން މިނިސްޓްރީއިން ސޯޝަލް މީޑިއާ ޕްލެޓްފޯމް، އެކްސްގައި ކުރި ޕޯސްޓެއްގަ އެވެ.
ފޮރިން މިނިސްޓްރީގެ ޕޯސްޓުގައި ބުނެފައިވާ ގޮތުގައި، އިނގިރޭސިވިލާތުގެ ގައުމީ ދުވަސް ފާހަގަކުރުމަށް ބޭއްވި ރިސެޕްޝަންގައި ޗީފް ގެސްޓްގެ ގޮތުގައި ފޮރިން މިނިސްޓަރު ޑރ. އަބްދުﷲ ޚަލީލް ބައިވެރިވެވަޑައިގެންނެވި އެވެ. މި ރިސެޕްޝަން ބޭއްވުނީ ރާއްޖޭގައި ހުންނަ ބްރިޓިޝް ހައި ކޮމިޝަންގަ އެވެ.
މިނިސްޓަރު ޑރ. ޚަލީލް މި ރިސެޕްޝަންގައި ވާހަކަ ދައްކަވަމުން، ދިވެހިރާއްޖެއާއި އިނގިރޭސިވިލާތާ ދެމެދު އޮތް އެކުވެރިކަމުގެ ވަރުގަދަ ގުޅުންތަކަށާއި، ދެ ޤައުމުގެ ދެމެދުގައި އޮތް އެއްބާރުލުމުގެ ޝެއަރޑް ވިޝަނަށް އަލިއަޅުވާލެއްވި އެވެ.
ކިންގްސް ޗާލްސްގެ އުފަންދުވަސް ރާއްޖޭގައި ފާހަގަކުރުމަކީ، ދެ ޤައުމުގެ ދެމެދުގައި އޮތް ދެމެހެއްޓެނިވި ގުޅުމުގެ ރަމްޒެއްކަމުގައި ބެލެވެ އެވެ.
ރާއްޖެ - އިނގެރޭސިވިލާތް މިނިސްޓްރީ އޮފް ފޮރިން އެފެއާޒް ފޮރިން މިނިސްޓަރު ޑރ. އަބްދުﷲ ހަލީލް
