ދަރިވަރުންނަށް ރަށުގައި ތިބެގެން ގިނަ މާއްދާތަކެއް ކިޔެވުމުގެ ފުރުސަތު ފަހިކޮށްދިނުމުގެ މައްސަކަތްދަނީ ކުރަމުން ކަމަށް އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ވިދާޅުވެއްޖެ އެވެ.
މިނިސްޓަރ މިހެން ވިދާޅުވީ، މުދައްރިސުން ތަމްރީން ކުރާ ގައުމީ ޕްރޮގްރާމް އިފްތިތާހްކުރުމުގެ ހަފްލާގައި ވާހަކަފުޅު ދައްކަވަމުންނެވެ.
މިނިސްޓަރ ވިދާޅުވީ، ރައީސް މުއިއްޒު ކެމްޕޭނަށް ވަޑައިގެންނެވިއިރު އަދި އޭގެ ފަހުން އަތޮޅު ތެރެއަށް ވަޑައިގެންނެވިއިރުގައި ވެސް ރަށުގައި ހުރެގެން މަތީ ތައުލީމް ފުރުސަތު ފަހިކޮށްދެވުމަށް ގިނަ ރައްޔިތުންތަކެއް އެދުނު ކަމަށެވެ.
ޓީޗަރުން ތަމްރީންކުރުމުގެ ގައުމީ ޕްރޮގްރާމްގައި މި އަހަރު 140 އާއި ގާތްކުރާ މިންވަރަކަށް ދަރިވަރުން ބައިވެރިވެފައިވާ ކަމަށްވެސް މިނިސްޓަރ ވިދާޅުވި އެވެ. އެޑިއުކޭޝަން މިނިސްޓްރީއާ ޕާޓްނާޝިޕް އޭޖެންސީތަކުން ކުރެވުނު މަސައްކަތްތަކުން އެ ޕްރޮގްރާމްއަށް ވަންނަން ބޭނުންވާ ކުދިންގެ އަދަދު ދަނީ އިތުރުކުރަމުން ކަމަށެވެ.
”އުންމީދަކީ އަންނަ އަހަރު އެންމެ މަދު ވެގެން ވެސް 150 އެއްހާ ދަރިވަރުން އެ ޕްރޮގްރާމްގައި ބައިވެރިކުރުވުން، ރައީސްގެ ވަރަށް ހާއްސަ ވައުދުފުޅެއް އަދި ވަރަށް އިސްކަންދެއްވާ ކަމެއް ޓީޗަރުންގެ އަގު ވަޒަންކުރެވިގެން ދިއުން، ޓީޗަރުންނަކީ މުޖްތަމައުގެ ތެރޭގައި ގަދަރުވެރި ޝަރަފުވެރި ބައެއްގެ ގޮތުގައި ވެގެންދިއުމަށް.“
މިނިސްޓަރ އިތުރަށް ވިދާޅުވީ، ޓީޗަރުންގެ ”ވެލްނަސްއަށް ވިސްނައި ވޯކް އެންޑް ލައިފް ބެލެންސްކުރުމުގެ“ މަސައްކަތުގެ ތެރެއިން ހުކުރު ދުވަހަކީ މަސައްކަތް ނުކުރާ ދުވަހެއްގެ ގޮތުގައި މިހާރު ހަމަޖައްސާފައިވާ ކަމަށެވެ.
އެޑިއުކޭޝަން މިނިސްޓަރު ޑރ. އިސްމާއިލް ޝަފީއު އެޑިއުކޭޝަން މިނިސްޓްރީ
