މުދައްރިސުން ތަމްރީން ކުރުމުގެ ގައުމީ ޕްރޮގްރާމް މިއަދު ފަށައިފި އެވެ.
މި ޕްރޮގްރާމް ފެށުމަށް ބޭއްވި ރަސްމިއްޔާތުގައި ޕްރޮގްރާމް ފައްޓަވައިދެއްވީ ރައީސް ޑރ. މުހައްމަދު މުއިއްޒު އެވެ.
މި ރަސްމިއްޔާތުގައި އެ މަނިކުފާނު ވަނީ ޕްރޮގްރާމްގައި ބައިވެރިވާ ދަރިވަރުންނަށް ސްކޮލާޝިޕް ލިޔުން ހަވާލުކޮށްދެއްވާފަ އެވެ.
މުދައްރިސުން ތަމުރީނުކުރުމުގެ ގައުމީ ޕްރޮގްރާމް ކުރިއަށްގެންދާނީ ސާނަވީ މަރުހަލާ ނިންމާ ދަރިވަރުންނަށް އަމާޒުކޮށްގެންނެވެ. އަދި މިއަހަރުގެ މި ޕްރޮގްރާމްގައި 135 އަށް ވުރެ ގިނަ ދަރިވަރުން ވަނީ ޝައުގުވެރިކަން ފާޅުކޮށް ބައިވެރިވެފަ އެވެ.
މި ޕްރޮގްރާމްގައި ދަރިވަރުން ތަމްރީނުކުރުމަށް ހަމަޖެހިފައިވަނީ، މުދައްރިސުން ލިބުން ދަތިވާ މާއްދާތައް ފާހަގަކޮށް އެ މާއްދަކަށް އަލިއަޅުވާލައިގެންނެވެ.
މި ޕްރޮގްރާމް އިފްތިތާހުކުރުމަށް ބޭއްވި ރަސްމިއްޔާތުގައި އެޑިއުކެޝަން މިނިސްޓަރު ޑރ. އިސްމާއިލް ޝަފީއާއި، ކޮލެޖް ޔުނިވަސިޓީތަކުންނާއި، ސަރުކާރުގެ އިސްވެރިން ވަނީ ބައިވެރިވެ ވަޑައިގެންފަ އެވެ.
ރާއްޖޭގެ ސްކޫލުތަކުގައި ކިޔަވައިދޭ މުދައްރިސުންނަކީ ދިވެހި މުދައްރިސުންނަށް ހެދުމަށްޓަކައި ގައުމީ ފެންވަރުގެ މުދައްރިސުން ތަމުރީންކުރުމުގެ ޕްރޮގްރާމެއް އިފުތިތާހުކުރުމަކީ ރައީސް މުއިއްޒުގެ ރިޔާސީ ވައުދުފުޅެކެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިނިސްޓްރީ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް މިނިސްޓްރީ އޮފް އެޑިޔުކޭޝަން
